އާރްޓީއެލް އިން ކުރެވުނީ ސަޅި ދަތުރެއް! ތަފާތު ތަޖުރިބާއެއް!
ދޯނި ފެރީ އޮތެއްކަމަކު އާރްޓީއެލް ލޯންޗް ފެރީގައި ދަތުރެއް ކޮއްލާނަމޭހިތާ، ޓިކެޓް ނެގުމުގެ މަސައްކަތް ފަށައިގަތީމެވެ. ޓިކެޓް ކަންކަން ހަމަޖެހިފައި އޮންނަ އުސޫލުން ގާއިމް ކޮށްފައިވާ އެޕްލިކޭޝަން ފޯނަށް އަޅައި ލޮގިން ވެސް ވެލީމެވެ.
ދިވެހިރާއްޖޭގެ ގިނަ ހިދުމަތްތައް ހޯދުމަށް ތަންތަނަށް ދިއުމުގެ ބަދަލުގައި މިހާރު ފޯނުން ހުރިހާ ކަމެއް ކުރެވެޔޭ ބުނުން ދޮގަކަށް ނުވާނެއެވެ. އަދި އަހަރެންވެސް ގިނަ ހިދުމަތްތައް ލިބިގަންނަނީ ފޯނުން ކަމަށްވުމުން އެފަދަ އެޕްލިކޭޝަންތައް މަދުންނަމަވެސް ބޭނުންކުރަންޖެހެއެވެ.
ހަމަ އެ އުސޫލުން އާރްޓީއެލް ޓިކެޓް ނެގުމަށް ބޭނުންކުރުމަށް ތައްޔާރުކޮށްފައިވާ އެޕްލިކޭޝަނަކީ ރާއްޖޭގައި ދަތުރު ފަތުރު ކުރުމަށްޓަކައި އޮންލައިން ޓިކެޓިންގެ އެންމެ ފުރިހަމަ އެޕްލިކޭޝަނެކޭ ބުނެވިދާނެއެވެ.
އެންމެ ފުރަތަމަ ކަމަކަށް ދަތުރު ކުރަނީ ލޯންޗް ފެރީގައި ތޯ ނުވަތަ ބަހުގައި ތޯ ސުވާލު ކުރެއެވެ. އެއަށް ފަހު ދަތުރުކުރަނި ކޮން މަންޒިލަކަށް، ކޮންދުވަހަކުތޯވެސް ސުވާލުކުރެއެވެ. ދަތުރުކުރާ މަންޒިލް ޔަގީން ކުރުމަށް ފަހު ދަތުރުކުރާ ދުވަހާއި އަދި ދަތުރު ކުރަނީ ކިތައް މީހުންތޯވެސްއަހާލައެވެ. މިހުރިހާ ކަމެއް ފުރިހަމަ ކުރުމަށްފަހު މިކަމުގެ އެންމެ ތަފާތު ކަމަކަށްވަނީ ދަތުރު ކުރުމުގައި އިންނަން ބޭނުންވާ ގޮނޑި ނުވަތަ ސީޓް ޔަގީންކުރުމެވެ. ބައެއް ފަހަރު އޭގެ ޒާތުގައިބައެއް މީހުން ދަތުރު ކުރުމުގައި ފެރީގެ ފަހަތު ސީޓު ނުވަތަ ކުރީ ސީޓުވެސް ބޭނުންކުރާތީ އެފުރުސަތު ވަނީ އަމިއްލަ އިޚްތިޔާރަށް ދޫކޮށްލެވިފައެވެ.
އަހަރެންގެ މިދަތުރުގައި މިދާ މަންޒިލް ލިޔުމުގައި ނުހިމަނާނަމެވެ. ސަބަބަކީ ވަކި ރޫޓެއް ލިޔެލުމުން، އެރޫޓުގައި ދަތުރުކުރާ މުވައްޒަފުންނަށް ކުރެވޭ ބޭއިހްތިރާމަކަށް ވެދާނެތީއެވެ. އެއީ މިފަދަކަންކަމުގައި ރަނގަޅުކުރަންޖެހޭ ބައެއް ކަންކަންވެސް ހުންނާނެތީ އަދި އަޅުގަނޑުގެ މި ދަތުރުގައި ފާހަގަ ކުރެވުނު ކަންކަން ލިޔެލަން ބޭނުންވާތީއެވެ.
ކޮންމެއަކަސް ދަތުރަށް އެރީ އިށީންނާނެ ގޮނޑި ވެސް، ދެވޭނެ ގަޑިވެސް ޔަގީންކުރުމަށް ފަހުގައެވެ. ދުވަހަކީ ބަލާބެލުމަށް މޫސުން ރަނގަޅު ދުވަހެއް ކަމަކު ކަނޑުގަދަ ދުވަހެކެވެ. ފެރީއަށް އެރުމާއެކު ކެޕްޓަން ކައިރިން އެންމެ ފުރަތަމަ ވެސް އަހާލެވުނީ ކަނޑުގަދަވާނެ ތޯއެެވެ. ޖަވާބުގައި ކަނޑު ގަދަވާނެ ކަމަށް ބުންޏެވެ.
އެ ލޯންޗަށް އެރުމާ އެކު، އޭގެ ހިތްގައިމުކަން ވަޒަން ކުރެވުނެވެ. އެއާކޮންޑިޝަން ކޮށްފައިވާ ލޯންޗުގެ ސީޓުތައް އަރާމުވެފައި ބޮޑެވެ. ލައިފްޖެކެޓްވެސް ފެންނަ ހިސާބުގައި އޮތެވެ. ސަލާމަތީ ހާލަތްތަކުގައި އަމަލު ކުރާނެ ގޮތް ކިޔައިދޭ ކާޑުތައް ބަހައްޓާފައި ހުއްޓެވެ. ލޯންޗުގައި ތިބީ، ހުދު ޔުނީފޯމު އެޅި ފަޅުވެރިންނެވެ.
އަހަރެންނަށް ލިބުނީ އެންމެ ކުރީ ސީޓެވެ. އާންމުގޮތެއްގައި ލޯންޗު ދަތުރުތަކުގައި އެންމެން ވެސް އިހްތިޔާރު ކުރާނީ އެންމެ ފަހަތު ސީޓުގައި އިށީނުމަށެވެ. އަހަރެން ދަތުރުކުރީ ކުޑަކުއްޖަކާއެކު ކަމުންނާއި ދުވަހަކީ ކަނޑުގަދަ ދުވަހެއް ކަމުން ކެޕްޓަން އެންމެ ފުރަތަމަ ވެސް ބުނީ ފަހަތު ސީޓުގައި ޖާގައެއް ހުރި ނަމަ ފަހަތަށް ބަދަލުވުމަށެވެ.
ކެޕްޓަން ބުނި ބުނުމަށް އަހަރެން ފަހަތު ސީޓަށް ބަދަލުވީމެވެ. ދަތުރުގެ ދިގުމިނަކީ 4 ގަޑިއިރެވެ. ލޯންޗަށް އަރައި، އެންމެން ގޮނޑީގައި އިށީނދެވުމާ އެކު، ލޯންޗުގެ ކެޕްޓަން، މައިކްރޮފޯނުން ދަތުރުގެ ތަފްސީލް ކިޔައިދިނެވެ. ދަތުރު ފެށިގެން ކުރިޔަށް ދިޔައިރު ފާހަގަކުރެވުނު އެއް ކަމަކީ ލޯންޗުގައި ތިބި ކްރޫއިންގެ ހިތްހެޔޮކަމެވެ.
ޖުމްލަ 3 ކްރޫއިން ތިބި އިރު ލޯންޗުގެ 3 ހިސާބުގައި އެ ކްރޫއިން ތިއްބެވެ. ގިނަ ބަޔަކު ހޮޑުލަމުން ދިޔަ އިރު އެހީވުމަށް ޓިޝޫއާއި ފެން ހިފައިގެން އެންމެ ކައިރީގައި ކްރޫއިން ތިއްބެވެ. ކްރޫއިން ތިބީ ފަސިންޖަރުންނަށް ކަމެއް ބޭނުން ވެދާނެތީ، އެ މީހުންނާ ދިމާއަށް ބަލަހައްޓައިގެން، ތައްޔާރުގައެވެ.
ފަސިންޖަރަކަށް ކްރޫއަކު އެހީތެރިވަނީ..
ކުޑަކުދިން ގިނަ ދަތުރެއް ކަމުން އެ ކުދިން ކައިރިއަށް ގޮސް ހާލުވެސް ބަލަމުން ދިޔައެވެ. އުމުރުން ދުވަސްވީ މީހުން ކައިރިއަށް ގޮސްވެސް ހާލުބަލަމުން ދިޔަ މަންޒަރު ފެނުނެވެ. ބައެއްމީހުން ބިރުން އުޅޭތީ، އެ މީހުން ކައިރިއަށް ގޮސް ހިނިތުންވުމާއެކު ވާހަކަ ދައްކަމުންދިޔައެވެ. ކްރޫއިން ދޭ އިރުޝާދުތަކާއި ހަރަކާތްތައް ފެނުމުން، ދަތުރުގެ ކަންކަން ތަރުތީބު ކުރެވިފައިވާ މިންވަރު އެނގުނެވެ.
ކަނޑުގަދަ ދުވަހެއް ކަމުން ލޯންޗުގެ ދެ ފަރާތުން ވެސް ދިޔައީ ރާޅު ވިއްސަމުންނެވެ. ވަށައިގެން ބަންދުކޮށްފައި އޮތުމުން ރާޅުގެ އުނދަގުލެއް ނުވެއެވެ. އޭސީ ޖައްސާފައި ހުރުމުން، ހޫނުކަމުގެ އިހުސާސެއް ވެސް ނުވެއެވެ. ގިނަ މީހުން ހޮޑުލައި ހެދި އިރު ފެރީ ތެރޭގައި ވަސް ހިފާފައި ނުހުރުމަކީ ވެސް ލިބުނު ހިތްހަމަޖެހުމެކެވެ.
އާރުޓީއެލް ފެރީގައި އަހަރެން ދަތުރުކުރީ ހިތްހަމަޖެހިގެންނެވެ. އަހަރެންނަށް ކުރެވުނީ އަގުހެޔޮ، ހިތްފަސޭހަ ދަތުރެކެވެ.
މި ދަތުރުގައި އަހަރެންނަށް ފާހަގަކުރެވުނު އެއް ކަމަކީ ގަޑިއަށް ފުރަން ހާއްސަ އަހައްމިއްޔަތުކަމެއްދޭ ކަމެވެ. އާންމުގޮތެއްގައި އެހެން ފެރީތަކުގައި ދަތުރުކުރާއިރު ފުރަން ތާވަލުކޮށްފައިވާ ގަޑިއަށްވުރެ ލަސްކުރާތަން ފެނެއެވެ. މި ފެރީގެ ތަފާތު ކަމަކީ ބުނެފައި އޮންނަ ގަޑިއަށް ދަތުރު ފަށާ ކަމެވެ.
މި ދަތުރާ ގުޅޭ ގޮތުން ގިނަ މީހުންގެ ޝަކުވާއަކީ ޓިކެޓް ނެގުމަށް ފަހު އެހެން ދުވަހަކަށް ބަދަލު ނުކުރެވުމާއި ޓިކެޓް ނެގި ދުވަހު ނުފުރައިފި ނަމަ ޓިކެޓް ކެންސަލްވާ ކަމެވެ. އެ ދުވަހު ދަތުރު ނުކޮށްފި ނަމަ ރީފަންޑް ވެސް ނުލިބޭ ކަމަކީ ގިނަ މީހުންގެ ޝަކުވާއެކެވެ.
މިރާއްޖޭގެ މަޖްލީހުގެ ރައީސްގެ މަގާމަކީ އެއީ އެއްގޮތަކަށް ވެސް ކެނެރީގެ ނަޝީދު ކިޔާ މީހަކަށް ރައްޔިތުން ހިބައިން ދީފައިވާ މަގާމެއް ނޫނޭ ރައްޔިތުންގެ %95 އަދު އެބުަަނަނީ މަޖްލީހުގެ ރައީސް ކަމުން ކެނެރީގެ ނަޝީދު އެއްފަރާތަށް ޖެހި އެކަން ކުރެވޭ ފެންވަރުގެ މީހަކާއި އެކަން ހަވާލު ކުރަން މެންދުރު 12 ޖަހާއިރު ގެއަށް ކަނޑާލާ މީހެކޭ ކެނެެރީގެ ނަޝީދަކީ މަޖްލީހުގެ ރައީސް ކަމަށް ބޭނުންވަނީ 24 ގަޑިއިރު އެ އިދާރާގައި އުޅެ ހީވާގި ކޮށް މަސައްކަތް ކުރާނެ މީހެކޭ ކެނެރީގެ ނަޝީދު ނަގާ އެއްލާލާ މަޖްލީހުގެ ރައީސް ކަމުން އޭނާ އެއީ ރައީސް ޔާންޓޭ އަށް ނަހަލާލު ފުރަތަމަ ހުކުމް 555 ބެޓްރީގެ ފޮޓޯ އެއް މަޖްލީހުގެ މެމްބަރުންގެ ފޯނަށް ފޮނުވައިގެން ހުކުމް ކުރި ބަދަވިއޭ އޭނާ ޖެހޭނީ ނަގާ އެއްލާލަން މަޖްލީހުގެ ރައީސް ކަމުން އަދި އޭނާ އަށް މަޖްލީހުގެ މެމްބަރު ކަން ވެސް ނުލިބޭނެ ގޮތަށޭ ޕިންކީން މަސައްކަތް ކުރަން ޖެހޭނީ މިފަހަރު ޖެހޭނެއޭ އޭނާގެ ކިބައިން ރަނގަޅަށް ބަދަލު ހިފަން މިކަން ކުރެވޭނީ އަދު އެމްޑީޕީ އާއި އެކު ޕީޕީއެމް ބައިހަތު ހިފައިގެންނޭ މަމެންނަށް ހެވޭ ހުވާ ތިޔާ ކޮތަރު ގުއި ޕާރކް ގައި މުއިއްޓޭ ނުކުރިއަސް މުހިއްމީ މަޖްލީހުގެ އިދާރާގައި މުއިއްޒު ހުވާ ކުރުމޭ އަދި ކެނެރީގެ ނަޝީދު މަޖްލީހުގެ ރައީސް ކަމުން ނަގާ އެއްލާލުމޭ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ އެއްލާލާ…
ދަތުރު ވަރަށް ފުރިހަމަ