ﷲއަށް ހަމްދުހުރި، މިއަދު އިތުރު 75 މީހަކު ބަލިން ރަނގަޅު ވެއްޖެ

ރާއްޖޭގައި ކޮވިޑް-19 ޖެހުނު މީހުންގެ ތެރެއިން އިތުރު 75 މީހަކު ބަލިން ރަނގަޅު ވެއްޖެ އެވެ.

Ads by Hajj Corporation

އެޗްޕީއޭއިން ބުނީ މިދިޔަ 24 ގަޑިއިރުގެ ތެރޭގައި އިތުރު 75 މީހަކު ކޮވިޑް ބަލިން ރަނގަޅު ވެފައިވާ ކަމަށެވެ. މިއަދު ރަނގަޅުވީ މީހުންނާއެކު ރާއްޖެއިން ރަނގަޅުވި މީހުންގެ އަަދަދު ވަނީ 4297 އަށް އަރާފައެވެ.

އެޗްޕީއޭއިން ބުނީ، މިއަދު އިތުރު 133 މީހަކު ފައްސިވި ކަމަށާއި އެ މީހުންގެ ތެރޭގައި ހިމެނެނީ 103 ދިވެހީންނާއި ބަންގްލަދޭޝްގެ 15 މީހަކާއި، އިންޑިއާގެ 8 މީހަކާއި ޔޫކޭ ދެ މީހަކާއި ޔޫއޭއީން ދެ މީހަކާއި ލަންކާ މީހެއްގެ އިތުރުން ނޭޕާލް މީހެއް ކަމަށެވެ.

މިއާއެކު ރާއްޖެއިން ފައްސިވި މީހުންގެ ޖުމްލަ ވަނީ 6،912 އަށް އަރައިފައެވެ. މިވަގުތު އެކްޓިވް ކޭސްތަކުގެ ގޮތުގައި ތިބީ 2،588 މީހެކެވެ.

ކޮވިޑް-19 ގައި ރާއްޖެއިން މިހާތަނަށް 27 މީހަކު ވަނީ ނިޔާވެފައެވެ.