ދޯންޏެއްގެ ބުރަފަތީގައި ޖެހި މީހަކު ޒަޚަމްވެއްޖެ
ދޯންޏެއްގެ ބުރަފަތީގައި ޖެހި ދިވެހި މަސްވެރިޔަކު ޒަޚަމް ވެއްޖެއެވެ.
އެމްއެންޑީއެފް އިން ބުނީ ގދ. ތިނަދޫގެ 16 ނޯޓިކަލް މޭލު އިރުން 25 މީހުންނާއި އެކު މަސްވެރިކަން ކުރަން އުޅުނު "ރޯޅި" ދޯނީގައި ހުރި އުމުރުން 25 އަހަރުގެ ދިވެހި ފަޅުވެރިއެއް ދޯނީގެ ބުރަފަތީގައި އޮޅުނު ވަލެއް ނައްޓާލަން އުޅެނިކޮށް ބުރަފަތީގައި ޖެހި ފައިގެ ފަލަމަސްގަނޑު ޒަހަމްވެފައިވާ ކަމުގެ ރިޕޯޓް ލިބިފައިވާ ކަމަށެވެ.
މި ހާދިސާގެ ރިޕޯޓް ލިބިފައިވަނީ ހެނދުނު 6:25 ހާއިރު ކަމަށާއި ރިޕޯޓު ލިބުމާއެކު އެމްއެންޑީއެފްގެ އެހީތެރިކަމާއެކު އެމީހާ ތިނަދޫ އަށް ގެންގޮސް ޑރ އަބުދުއްޞަމަދު މެމޯރިއަލް ހޮސްޕިޓަލުގައި ފަރުވާދޭން ފަށާފައިވާ ކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ މިހާދިސާ ހިނގަން މެދުވެރިވީ ބުރަފަތިން ވައު ނެއްޓުމަށް އެ ޒުވާނާ އުޅެނިކޮށް ކެޔޮޅު އަތުން އޮޅިގެން ގިއަރަށް ލެވިގެން ކަމަށެވެ.
