މާލޭގައި އެންމެ ބޮޑަށް ކޮވިޑް ފެތުރިފައި ވަނީ މާފަންނުގައި: ޑރ. ޝަހީދު
މާލޭގައި މީހުން ދިރިއުޅޭ ހުރިހާ ސަރަހައްދަކަށް ބަލި ފެތުރިފައިވާ ކަމަށާއި އެންމެ ގިނައީ މާފަންނުގައި ކަމަށް ޑރ. އަހުމަދު ޝަހީދު ވިދާޅުވެއްޖެއެވެ.
ހެލްތު އިމަޖެންސީ އޮޕަރޭޝަންސް ސެންޓަރު (އެޗްއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ޓެގް ގްރޫޕްގެ މެމްބަރު ޑރ. ޝަހީދު ވިދާޅުވީ މިދިޔަ ޖުލައި މަހާ އަޅާ ބަލާ އިރު، މާލޭގައި ކޮވިޑް-19 ފެތުރިފައިވާ މިންވަރު ވަރަށް ބޮޑަށް އިތުރުވެފައިވާ ކަމަށެވެ.
ކޮވިޑް19 ފެތުރެމުން އަންނަ މިންވަރު، އަދި ފެތުރެމުން އަންނަ ސްޕީޑު އަންގައިދޭ މެޕެއް ހިއްސާކުރައްވަމުން ޑރ. ޝަހީދު ވިދާޅުވީ އޯގަސްޓް މަސް ނިމުނު އިރު ގާތްގަނޑަކަށް މާލޭގައި ގާތްގަނޑަކަށް މީހުން ދިރިއުޅޭ ހުރިހާ ތަނެއްގައި ކޮވިޑް19 ފެނިފައިވާ ކަމަށެވެ.
ޑރ. އިތުރަށް ވިދާޅުވީ މާލޭގެ އެހެން ސަރަހައްދުތަކާ އަޅާބަލާއިރު، މާފަންނުގައި ބަލި ފެތުރެމުން އަންނަ މިންވަރު އިތުރު ކަމަށެވެ.
އޭނާ ވިދާޅުވީ، މިހާރު މާލޭގައި ބަލި ނުފެތުރޭ ސަރަހައްދެއް ނެތް ކަމަށެވެ. ހަމައެއާކު، މާލެއާ އަޅާބަލާ، ހުޅުމާލެ އަދި ވިލިމާލޭގައި ބަލި ފެތުރުނު މިންވަރު ދަށް ކަމަށް ޑރ. ޝަހީދް ވިދާޅުވިއެވެ.
Ads by STO
