ރައީސް މައުމޫން "ވަޅުލުމުގެ ކުރިން ކިނބިގަސްދޮށުގޭ ރެޖިސްޓްރީ ދޭން ވާނެ" ކަމަށް ޖާބިރު ވިދާޅުވާ އޯޑިއޯއެއް!
ކުރީގެ ރައީސް މައުމޫން އަބްދުލްޤައްޔޫމް "ވަޅުލުމުގެ ކުރިން ކިނބިގަސްދޮށުގޭ ރެޖިސްޓްރީ ދޭން ވާނެ" ކަމަށް ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖާބިރު ވިދާޅުވިކަމަށް ބުނާ އޯޑިއޯއެއް ލީކު ވެއްޖެއެވެ.
ރައީސް މައުމޫންގެ ދަރިކަލުން އަދި ރައްޔިތުންގެ މަޖިލީހުގެ ތ.ގުރައިދޫ ދާއިރާގެ މެންބަރ މުޙައްމަދު ގައްސާން މައުމޫން އެ އޯޑިއޯ އާއެކު ކުރެއްވި ޓްވީޓެއްގައި ވިދާޅުވީ މަޖިލިސް ތެރޭ ކިޔުއްވާ އެއްޗެއްސަކީ ސަމާސާކަމަށް އެމަނިކުފާނު ހީކުރެއްވި ކަމަށާއި ނަމަވެސް އާއިލާއަށް ދިމާވެފައިމިވާ ހާސްކަމުގެ ވަގުތު މެންބަރު ޖާބިރުގެ ހިތްޕުޅުގެ ހަގީގީ ކުލަވަރު ދައްކަވާ ލައްވައިފި ކަމަށެވެ.
"ކިނބިގަސްދޮށުގޭ ރެޖިސްޓްރީ ދޭން ވާނެ އިނގޭތޯ ބައްޕަ ވަޅުލުމުގެ ކުރިން އެކަން ހަމަޖައްސަން ޖެހޭނެ ސުބްޙާނަﷲ. މަނިކުފާނު ވިދާޅުވީ ބައްޕަގެ ދަރަންޏަކީ ތިމަންނަ ޒިންމާ އުފުލަންޖެހޭ އެއްޗެއް ނޫނޭ. ރާއްޖޭގެ ވެރިކަމަށް އަންނަންތާ ތިއުޅެނީ." ޖާބިރު ވިދާޅުވާ އަޑު އިވެއެވެ.
މީގެއިތުރުން އެއޯޑިއޯއިން އިވޭ ގޮތުގައި، ޖާބިރު ވިދާޅުވަނީ ތަރިކަ މުދަލުން ޙައްޤު ދޭންވާނެ ކަމަށާއި ރައީސް މައުމޫން، ޖާބިރު އަތުން 29 މިލިއަން ނަގާފައިވާކަން ހަނދުމަފުޅު ކޮށްދެއްވުމަށެވެ.
މިއޯޑިއޯ އާއި ބެހޭގޮތުން އެމްޕީ ގައްސާން ވިދާޅުވީ މިކަމާއި ވަރަށް ދެރަ ވެއްޖެ ކަމަށެވެ.
"ކޮންމެ ދިރުމެއްވެސް ނިމި ދިޔުން ހުރީ އެކަލާނގެ ޙަޟްރަތަށް" ގައްސާން ވިދާޅުވިއެވެ.
މައުމޫންގެ ނަމުގައި އެތަން މިހާރު އޮތެއްކަމަކު އެއީ ތަރިކަ މުދަލުން މައުމޫންއަށް އެކަނި ލިބޭ ތަނެއްނޫން، އެހެންވެސް ހައްގުވެރިން އެބަތިބި