ޗީފް އޮފް ޑިފެންސް ފޯސްގެ މަޤާމަށް މޭޖަރ ޖެނެރަލް ޢަބްދުއްރަޙީމް
ޗީފް އޮފް ޑިފެންސް ފޯސްގެ މަޤާމަށް މޭޖަރ ޖެނެރަލް އަބްދުއްރަހީމް އަބްދުއްލަތީފް އައްޔަން ކުރައްވައިފިއެވެ.
ރައީސް އިބްރާހިމް މުހައްމަދު ޞާލިހްގެ ސަރުކާރުގައި ޗީފް އޮފް ޑިފެންސް ފޯސްގެ މަޤާމުގައި ހުންނެވީ މޭޖަރ ޖެނެރަލް ޢަބްދުﷲ ޝަމާލްއެވެ.
ރައީސް ޑރ. މުހައްމަދު މުޢިއްޒު މިރޭ ޗީފް އޮފް ޑިފެންސްގެ މަޤާމަށް އައްޔަން ކުރެއްވި އަބްދުއްރަހީމަކީ ސިފައިންގެ ޚިދުމަތުގައި 30 އަހަރަށްވުރެ ގިނަ ދުވަހު ޚިދުމަތް ކުރައްވާފައިވާ ބޭފުޅެކެވެ.
މީގެ އިތުރުން މޭޖަރ ޖެނެރަލް އަބްދުއްރަހީމަކީ ރައީސް އިބްރާހިމް މުހައްމަދު ޞާލިހްގެ ސަރުކާރުގައި ވައިސް ޗީފް އޮފް ޑިފެންސްގެ މަޤާމުގައި ހުންނެވި ބޭފުޅެކެވެ.
ޗީފް އޮފް ޑިފެންސް ފޯސްގެ މަޤާމަކީ ރައީސުލްޖުމްހޫރިއްޔާ، އަދި ސިފައިންގެ އެންމެމަތީ ވެރިޔާއަށް ސިފައިންގެ ޤާނޫނުގެ 11 ވަނަ މާއްދާގެ (ނ) އިން ލިބިދޭ ބާރުގެ ދަށުން އައްޔަން ކުރައްވާ މަޤާމެކެވެ.
