މައުމޫންގެ ހާލުކޮޅު ރަނގަޅު، އަލާމާތް ހުރީ ކުޑަކޮށް: އާއިލާ

ކުރީގެ ރައީސް މައުމޫން އަބްދުލްގައްޔޫމްގެ ހާލުކޮޅު ރަނގަޅު ކަމަށާއި ކޮވިޑްގެ އަލާމާތް ފެންނަނީ ވަރަށް ކުޑަކޮށް ކަމަށް އެ މަނިކުފާނުގެ އާއިލާ އިން މިއަދު ބުނެފި އެވެ.

Ads by Hajj Corporation

ރައީސް މައުމޫން ކޮވިޑަށް ފައްސިވިކަން އެނގުނީ ރޭގެ ވަގުތެއްގައެވެ. އަދި ރޭ ދަރުމަވަންތަ ހޮސްޕިޓަލުގައި އެމަނިކުފާނު އެޑްމިޓްކޮށް، މިހާރު އަންނަނީ ފަރުވާ ދެމުންނެވެ.

ރައީސް މައުމޫންގެ ދަރިކަނބަލުން ޔުމްނާ މައުމޫން ކުރެއްވި ޓްވީޓެއްގައި ވިދާޅުވީ، އެމަނިކުފާނުގެ ހާލު ރަނގަޅު ކަމަށާއި އަލާމާތްތައް ހުރީ ކުޑަކޮށް ކަމަށެވެ.

މާތްﷲ އިރާދަފުޅުން ބައްޕަ ހާލުކޮޅު ރަނގަޅު. އަލާމަތްތައް ހުރީ ކުޑަކޮށް.

— Yumna Maumoon (@yumna_maumoon) August 26, 2020

އުމުރުފުޅުން 81 އަހަރުގެ މައުމޫން ކޮވިޑަށް ފައްސިވިކަން އާންމު ކުރަމުން އެމަނިކުފާނު ކުރެއްވި ޓުވީޓުގައި ވިދާޅުވީ، އެ މަނިކުފާނާއި ކޮވިޑަށް ޕޮޒިޓިވް ވެފައިވާ އެހެން އެންމެންނަށް އަވަސް ޝިފާއަކަށާއި ފުރިހަމަ ސިއްހަތެއް ދެއްވުން އެދި ދުއާ ކުރައްވާ ކަމަށެވެ.