ރައީސް ޑރ. މުޢިއްޒުގެ ސަރުކާރާއެކު އޮންނާނެ ކަމުގެ ޔަޤީންކަން އެމްއެންޕީން ދީފި

ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ސަރުކާރާއެކު އޮންނާނެ ކަމުގެ ޔަޤީންކަން އެމްއެންޕީން ދީފިއެވެ.
މިކަން ހާމަކޮށް އެމްއެންޕީގެ ރައީސް, ދަނގެތީ ދާއިރާގެ މެންބަރު މުހައްމަދު ނާޒިމް ވިދާޅުވީ އުޖާލާ ޒަމާނަކަށް ދިވެހި ރައްޔިތުންގެ ފުރިހަމަ ތާއީދާއެކު ޤައުމުގެ ވެެރިކަމަށް އިންތިޚާބު ކުރެއްވި ރައީސް ޑރ. މުޙައްމަދު މުޢިއްޒުގެ ސަރުކާރާއެކުު އެމްއެންޕީން ދެމި އޮންނާނެ ކަަމަށެވެ.
މިގޮތުން އެމްއެންޕީގެ އެންމެހާ މެންބަރުންނާއި ނާޒިމް ސާބިތުކަމާއެކު ޑރ. މުޢިއްޒުގެ ސަރުކާރާއެކު ދެމިހުންނާނެ ކަމުގެ ފުރިހަމަ ޔަޤީންކަން ވަނީ ދިވެހި ރައްޔިތުންނަށް ދީފައެވެ.
ނާޒިމް ވަނީ ރައްޔިތުންގެ ހެވާ ލާބައަށްޓަކައި ރައީސް މުޢިއްޒު ކުރިއަށްގެންދަވާ ތަރައްޤީގެ މަސައްކަތުގައި ރައްޔިތުން އެއްބާރުލުން ދިނުމުގައި ދެމި ތިބުމަށް އެދިފައެވެ.
ނާޒިމް ވަނީ ނިމިދިޔަ ރިޔާސީ އިންތިޚާބުގެ ފުރަތަމަ ބުުރުގައި ވާދަކުރައްވާ ނާކާމިޔާބީ އާއި ކުރިމަތި ވުމުން އިންތިޚާބުގެ ދެވަަނަ ބުރުގައި ޕީޕިއެމް/ޕީއެންސީގެ ރިޔާސީ ކެންޑިޑޭޓުގެ ގޮތުގައި ރިޔާސީ ރޭހުގައި ވާދަ ކުރެއްވި ރައީސް މުޢިއްޒުއާއެކު ކޯލިޝަން ހަދާ އެ މަނިކުފާނަށް ތާއީދު ކުރައްވާފައެވެ.
މުޢިއްޒުގެ ތާއީދު މި ސަރުކާރާއެކު އޮތްކަން ހާމަކުރައްވާފައިވަނީ, ސަރުކާރު ކޯލިޝަންގެ މައި ޕާޓީ, ޕީޕީއެމްއިން އެ ޕާޓީގެ ލީޑަރު, ރައީސް ޔާމީން ވަކިވެފައިވަނިކޮށެވެ. ރައީސް ޔާމީން ވަނީ މާދަމާ އައު ސިޔާސީ ޕާޓީއެއް އުފައްދަވަން ނިންމަވާފައެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.