އިންޑިއާގެ އެހީގައި ހުޅުމާލޭ ސެންޓްރަލް ޕާކާއި ޖެޓީ މަރާމާތު ކުރަނީ
އިންޑިއާ ސަރުކާރުގެ ހިލޭ އެހީގެ ދަށުން ހުޅުމާލޭ ސެންޓްރަލް ޕާކާއި، އިރުމަތީ ފަރާތު އެރައިވަލް ޖެޓީ މަރާމާތު ކުރުމުގެ މަސައްކަތް މިއަދު އިފްތިތާހް ކޮށްފިއެވެ.
Ads by Hajj Corporation
ފޮރިން މިނިސްޓްރީން ބުނީ ހުޅުމާލޭ އިރުމަތީ ފަރާތު އެރައިވަލް ޖެޓީ ހެދުމަށް އިންޑިއާއިން ހަރަދު ކުރަނީ 995،385.12 ރުފިޔާ ކަމަށާއި ސެންޓްރަލް ޕާކުގެ މަރާމާތަށް ހަރަދު ކުރަނީ 8.10 މިލިއަން ރުފިޔާ ކަމަށެވެ.
މި ޕްރޮޖެކްޓްތަކަށް ފައިސާ ހަމަޖައްސާފައިވަނީ 2019 ވަނަ އަހަރު މާޗް މަހު ދިވެހި ސަރުކާރަށް އިންޑިއާ ސަރުކާރުން ހަމަޖައްސައިދިން 106 މިލިއަން ރުފިޔާގެ ހިލޭ އެހީގެ ތެރެއިން ކަމަށް ވެސް ފޮރިން މިނިސްޓްރީން ބުނެއެވެ.
އެ ދެ މަޝްރޫއުވެސް ހިންގާނީ ހައުސިން ޑިވޮލޮޕްމެންޓް ކޯޕަރޭޝަން (އެޗްޑީސީ) އިންނެވެ. ސެންޓްރަލް މަޝްރޫއުގެ ދަށުން ޕާކުގައި ހިނގާ ޕާތުވޭތަކާއި ބައިސްކަލު ލޭނު ހެދުމާއި، ލައިޓިންގެ ބައެއް މަސައްކަތް އަދި އިށީންނާނެ ތަންތަން ހެދުން ހިމެނެ އެވެ. އަދި އިރުމަތީ ފަރާތު އެރައިވަލް ޖެޓީއަށް ވެސް ޒަމާނީ ބަދަލުތަކެއް ގެންނާނެ އެވެ.
Ads by Allied Insurance
