ބަރަހަނާ ވެބްސައިޓުތައް ބްލޮކް ކުރުމުން، މަހުލޫފުގެ ޝުކުރު ސަރުކާރަށް

ރާއްޖޭގައި ބަރަހަނާ ސައިޓުތައް "ބޮލޮކް" ކުރަން ސަރުކާރުން ނިންމެވުމުން، ކުރީގެ ޔޫތު މިނިސްޓަރު އަޙުމަދު މަހުލޫފު އެކަމަށް ތަޢުރީފު ކުރައްވައިފިއެވެ.
ފޭސްބުކްގައި ކުރައްވައިފައިވާ ޕޯސްޓެއްގައި މަހުލޫފު ވިދާޅުވީ، ސަރުކާރުގެ މި ނިންމެވުން މުޖްތަމަޢު ބަލައިގަންނަން ޖެހޭ ކަމަށެވެ.
އޭނާ ވިދާޅުވީ ބަރަހަނާ ސައިޓްތައް ބްލޮކްކުރުމުގެ ސަބަބުން ނޭނގުމުގެ ތެރެއިން އެތައް ކުޑަކުދިންނެއް ދިޔައީ ހަލާކުވެ ބައިވަރު އިޖްތިމާއީ މައްސަލަތަކެއް ނުކުންނަމުން ކަމަށެވެ.
އެކަމާއި ގުޅިގެން މަހްލޫފް ވަނީ ސަރުކާރަށް ޝުކުރު އަދާކުރައްވާފައެވެ.
ބަރަހަނާ ސައިޓުތަކަށް ނުވަދެވޭ ގޮތަށް ހަދާފައިވަނީ މިދިޔަ ބުރާސްފަތި ދުވަހު ކޮމިއުނިކޭޝަންސް އޮތޯރިޓިއަށް ސަރުކާރުން އަންގައިގެންނެވެ. އެ އެންގުމާއި ގުޅިގެން މިފަދަ ސައިޓުތައް ރާއްޖޭގެން ބްލޮކޮށްފައިވާއިރު، މި ނިންމުމަށް ގިނަ ބަޔަކު އަންނަނީ ތަޢުރީފު ކުރަމުންނެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.