ރަށްރަށުގައި ކުރިއަށްގެންދާ މުޒާހަރާއާއި މާލޭގައި ބާއްވާ ސައިކަލް ބުރު ކުރިއަށް ދާނީ މާދަމާ ހަވީރު 4:00 އިން އިރު އޮއްސި 6:00 އަށް ކަމަށް އިދިކޮޅުން ބުނެއެވެ.
މުޒާހަރާކުރަން އުޅޭތީ ލޮކްޑައުނަކަށް ދާން އެބައުޅޭ: ޝިޔާމް
އިދިކޮޅު ޕްރޮގްރެސިވް ކޮންގްރެސް ކޯލިޝަނުން މާދަމާ ރާއްޖޭގެ އެކި ސަރަހައްދުތަކުގައި މުޒާހަރާ ކުރަން ނިންމާފައި ވާތީ ފުރަބަންދަކަށް ދިއުމަށް ރައީސް އިބްރާހީމް މުހައްމަދު ސޯލިހު ރާވަމުން ގެންދާ ކަމަށް އިދިކޮޅު ޕީޕީއެމްގެ ނާއިބު ރައީސް އަހުމަދު ޝިޔާމް ވިދާޅުވެއްޖެއެވެ.
Ads by Hajj Corporation
ޝިޔާމް މިރޭ ކުރެއްވި ޓްވީޓެއްގައި ވިދާޅުވީ ގައުމު ވިއްކާލުމާ ދެކޮޅަށް މާދަމާ ހަވީރު ރާއްޖޭގެ ހުރިހާ ހިސާބެއްގައި ރައްޔިތުން އިހުތިޖާޖު ކުރަން ނިންމާފައިވާތީ އެކަން ހުއްޓުވަން ރައީސް އިބްރާހިމް މުހައްމަދު ސޯލިހު ލޮކްޑައުނަކަށް ދާން އުޅޭ ވާހަކަ އަޑު އިވޭ ކަމަށެވެ.
"ރައްޔިތުން ގެއަށް ވައްދާފައި ކުރާ ކަންތައް ރައްޔިތުންނަށް އެބަ އެނގޭ. ރައްޔިތުން މަޑަކުން ނުތިބޭނެ" ޝިޔާމް ވިދާޅުވިއެވެ.
މިދިޔަ އާދީއްތަ ދުވަހު ބޭއްވި ނޫސްވެރިންގެ ބައްދަލުވުމެއްގައި އިދިކޮޅުން ހާމަ ކޮށްފައިވަނީ މާދަމާގެ މުޒާހަރާތައް ކުރިޔަށް ގެންދާނީ ސުލްހަވެރިކަމާއި އެކުގައި ކަމަށެވެ. މީގެ އިތުރުން އެޗްޕީއޭގެ މިންގަނޑުތަކާއި އުސޫލުތަކަށް ޢަމަލު ކުރާނެ ކަމަށް އެފަރާތުން ހާމަކޮށްފައި ވެއެވެ.
އެ އިހުތިޖާޖުގައި އިދިކޮޅުގެ ލީޑާޝިޕަށް ބައިވެރި ނުވެވުނު ނަމަވެސް މާދަމާ މާލޭގައި އޮންނަ ސައިކަލް ބުރުގައި ލީޑަޝިޕްގެ ބޭފުޅުން ބައިވެރިވާނެ ކަމަށް ޕީޕީއެމުން ހާމަކޮށްފައިވެއެވެ. ހަމަ އެހެންމެ ރަށްރަށުގެ މުޒާހަރާތަކުގައި އެ ކޯލިޝަންގެ ގިނަ ޢަދަދެއްގެ ސަޕޯޓަރުންނެއް ބައިވެރިވާނެ ކަމަށް ވެސް އިދިކޮޅުން ހާމަކޮށްފައިވެއެވެ.
Ads by Ooredoo
އަދުރޭތަގައުމުގަންނަނީ މިމީހުންމުޒާހަރާނުކުރެވިގެންމިއުޅެނީއަޅުގަޑުމެންމިއުޅެނީ މުޅިދުނިޔޭގަ މިއޮތްބަލިމަޑުކަމުންސަލާމަތްނުވެވިގެން ތިދޮގުތައްނުހަދާ ފަރުދީޒިންމާއަދާކޮށްބަލަ