އަލިފާނުގެ ހާދިސާ ހިނގައިގެން އުޅޭ ސަރަޙައްދަށް އާންމުން ނުދިއުމަށް އެޗްޕީއޭއިން އިލްތިމާސް ކޮށްފި

މާލޭގައި ހިނގައިގެން އުޅޭ އަލިފާނުގެ ހާދިސާ ހިނގާ ސަރަޙައްދަށް އާންމުން ނުދިއުމަށް ހެލްތު ޕްރޮޓެކްޝަން އެޖެންސީ(އެޗްޕީއޭ)އިން އިލްތިމާސް ކޮށްފިއެވެ.

Ads by STELCO

މާލޭގައި މިރޭ ރޯވެފައި ވަނީ ބޮޑުތަކުރުފާނު މަގުގައި އާޓިފިޝަލް ބީޗާ ކައިރިން ހުންނަ ބެންކު އޮފް މޯލްޑިވްސް ޑޮލަރު އޭޓީއެމްއާ ޖެހިގެން ހުރި އިމާރާތުގައެވެ.

އެމްއެންޑީއެފުން ބުނީ ފަޔާ ޑިޕާޓުމެންޓުން އަލިފާން ނިއްވުމުގެ މަސައްކަތް ކުރަމުންދާ ކަމަށާއި ޖެހިގެން ހުރި އިމާރާތުން މީހުން ހުސްކުރުމުގެ މަސައްކަތް ކުރަމުންދާ ކަމަށެވެ.

އެޗްޕީއޭއިން މިފަދައިން އިލްތިމާސް ކޮށްފައި މިވަނީ ކޮވިޑް-19 ފެތުރުން ކޮންޓްރޯލް ކުރުމަށް މީހުން އެއްތަނަކަށް އެއްވެ އުޅުން މަދު ކުރުމަށެވެ.