Saturday, 21 November 2026
Advertisement
HDC — Share-Below (leaderboard)
ޚަބަރު

ދާހިލީ ހަނގުރާމަ ކުރާ ގައުމުތަކަށް ޖިހާދަށް ދިޔުން ހުއްދައެއް ނޫން: ފަތުވާ މަޖިލީސް

ދާހިލީ ހަނގުރާމަ ކުރާ ގައުމުތަކަށް ޖިހާދަށް ދިޔުން ހުއްދައެއް ނޫން: ފަތުވާ މަޖިލީސް

ދާހިލީ ހަނގުރާމަ ކުރާ ގައުމުތަކަށް ޖިހާދަށް ދިޔުމަކީ ހުއްދަ ކަމެއް ނޫން ކަމަށް ދިވެހި ރާއްޖޭގެ ފަތުވާ މަޖިލީހުން ބުނެފިއެވެ.

މިއަދު ފަތުވާ މަޖިލީހުން މިއަދު ނެރުނު ބަޔާނެއްގައި ބުނެފައިވަނީ ފަހަކަށް އައިސް ދާހިލީ ހަނގުރާމަ ހިނގާ ގައުމުތަކަށް ޖިހާދު ކުރުމުގެ ނަމުގައި ދިވެހިން ދާކަން ފާހަގަވެފައިވާކަމަށާއި މިކުރީގެ އިލްމުވެރިންވެސް މިހާރުގެ އިލްމުވެރިންވެސް އެކަން ހުއްދަ ނޫންކަމަށް ބުނެ ފަތުވާ ނެރެފައިވާކަމު ގައެވެ.

އެ މަޖިލީހުން އިތުރަށް ބުނި ގޮޮތުގައި މުސްލިމުންނާއި މުސްލިމުން ހަނގުރާމަ ކުރުމަކީ ކީރިތި ރަސޫލާ ﷺ ހަރާމް ކުރައްވާފައިވާކަމެއްކަމަށް ކީރިތި ރަސޫލާ ﷺ ގެ ސަރީހަ ބަސްފުޅުން ސާބިތުވާ ކަމަށެވެ.

Advertisement
Ooredoo — Square (box)

އިސްލާމީ ގައުމެއްގެ ތެރޭގައި ޖެހިފައިވާ ހަމަނުޖެހުމަކީ އެހެން ފަރާތަކުން އިސްލާމީ އުންމަތް ބައިބައިކުރުމުގެ ނިޔަތުގައި ރޭވިގެން އުފައްދާފައިވާ ފިތުނައިގެ ސިލްސިލާބޮޅެއް ކަމަށާއި އެހެންކަމުން، އިސްލާމް ދީނުގެ ދުޝްމަނުންގެ މަގްސަދު ހާސިލްކުރުމަށް ހިތްވަރުދޭ ބަޔަކަށް ދިވެހިން ނުވުމަށް އެ މަޖިލީހުން އިލްތިމާސް ކޮށްފައިވެއެވެ.

އަދި ދާހިލީ ހަނގުރާމަ ހިނގާ ސޫރިޔާ ފަދަ ޤައުމުތަކުގައި އިސްލާމީ ޤައުމުތަކާ ދެކޮޅަށް ރޭވިގެން ހިންގޭ ސިލްސިލާ މުއާމަރާތުތަކުގައި ބައިވެރިވާން ބޭނުންވާ ޒުވާނުން ތިބޭ ކަމަށާއި އެފަދަ ހަމަނުޖެހުންތަކުގައި ބައިވެރިވާން ދިއުމަކީ މުސްލިމުންގެ ދުޝްމަނުންނަށް އެ ޤައުމުތަކުގެ ކަންކަމާ ބެހުމަށް ދޮރުހުޅުވޭ ކަމެއްކަމަށް ފަތުވާ މަޖިލީހުން ފާހަގަކުރިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.