އިދިކޮޅުން ބޭއްވި ސައިކަލު ބުރާ ގުޅިގެން ރައީސް ވަހީދު ފުލުހަށް ހާޒިރުވާން އަންގައިފި

އިދިކޮޅުން ބޭއްވި ސައިކަލު ބުރާ ގުޅިގެން ކުރީގެ ރައީސް ޑރ. މުހައްމަދު ވަހީދު ހަސަން މަނިކު ފުލުހުންގެ އިދާރާއަށް ހާޒިރުވާން އަންގައިފި އެވެ.

Ads by STELCO

އެގޮތުން އެ އެއްވުމުގައި އެޗްޕީއޭގެ މިންގަނޑުތަކާއި އެއްގޮތަށް ގައިދުރުކަން ނުބަހައްޓާ ހަރަކާތްތެރިވުމާއި މާސްކު ނާޅާ އުޅެފައިވާ މައްސަލަ ފުލުހުން އަންނަނީ ތަހުގީގު ކުރަމުންނެވެ.

އެ މައްސަލައިގައި ވަހީދަށް އަންގާފައިވަނީ އެމަނިކުފާނަށް ފަސޭހަފުޅު ވަގުތެއްގައި ފުލުހަށް ހާޒިރު ވުމަށެވެ. އެގޮތުން މިއަދު ހަވީރު 4:00 ގައި ފުލުހަށް ހާޒިރުވުމަށް ވަހީދު ވަނީ ނިންމަވާފައެވެ.

އެ އެއްވުމާ ގުޅިގެން މިރޭ 7 ޖަހާއިރަށް ޕީއެންސީގެ ނައިބު ރައީސް އިބްރާހިމް ޝުޖާއު ވެސް ފުލުހަށް ހާޒިރުވާން ވަނީ އަންގާފައެވެ.