އިންޑިއާގައި ހިނގި އެކްސިޑެންޓެއްގައި ތިން ދިވެއްސަކަށް އަނިޔާވެއްޖެ
ގިނަ އަދަދެއްގެ ދިވެހިން ބޭސްފަރުވާ އަށް ގޮސް އުޅޭ އިންޑިއާގެ ކޮޗިންގައި ހިނގި ނުރައްކާތެރި އެކްސިޑެންޓެއްގައި ތިން ދިވެއްސަކަށް އަނިޔާވެއްޖެއެވެ.
Ads by STELCO
މައުލޫމާތު ލިބިފައިވާ ގޮތުން އެ އެކްސިޑެންޓުގައި އަނިޔާވެފައި ވަނީ ރ. އަލިފުށީގެ ތިން އަންހެނުންނަށެވެ.
އެއީ އުމުރުން 25 އަހަރުގެ މީހަކާއި 50 އަހަރުގެ މީހެއްގެ އިތުރުން 54 އަހަރުގެ މީހެކެވެ.
އެ ތިން މީހުންގެ ހާލު ސީރިޔަސް ކަމަށް ބައެއް މީޑީއާތަކުން ރިޕޯޓްކޮށްފައިވެއެވެ.
އެކްސިޑެންޓު ހިނގާފައި ވަނީ ކޮޗިންގެ ހޮސްޕިޓަލަށް ޑޮކްޓަރަށް ދެއްކުމަށްފަހު ޓްރިވެންޑްރަމްއަށް އަނބުރާ ދިޔަ މަގުމަތީގައި ކަމަށްވެއެވެ.
އަނިޔާވި ތިން މީހުންނަށް މިހާރު ދަނީ ފަރުވާ ދެމުންނެވެ.
Ads by STO
