ވިލިނގިއްޔަށް ކޮވިޑްގެ ބަލި މީހަކު އެރުވުމަށް ދެކޮޅު ހަދަނީ

ގއ. ވިލިނގިލީ ގައި ގާއިމުކޮށްފައިވާ ކޮވިޑް ފެސިލިޓީ އަށް ގެންދިޔަ ބަލި މީހަކު އެ ރަށަށް އެރުވުމަށް ދެކޮޅު ހަދައިފިއެވެ.

Ads by STELCO

ފުލުހުން ބުނީ އެމީހާ އެ ރަށަށް އެރުވުމާ ދެކޮޅަށް ރައްޔިތުންގެ ބަޔަކު އިހުތިޖާޖު ކުރަމުންދާތީ ފުލުހުން މިހާރު އެ ސަރަހައްދުގައި ހަރަކާތްތެރިވަމުންދާ ކަމަށެވެ.

މައުލޫމާތު ލިބިފައިވާ ގޮތުގައި އެމީހާ އަކީ ގދ. ތިނަދޫ އިން ފައްސިވެގެން ގެންދިޔަ މީހެކެވެ. އެމީހާ އެ ރަށަށް އަރުވަން ރައްޔިތުން ދެކޮޅު ހަދަމަންދާތީ އޭނާ އަދިވެސް އޮތީ ސީ އެމްބިއުލާންސްގައި ކަމަށް މައުލޫމާތު ލިބެއެވެ.

ތިނަދޫ އިން ކޮވިޑް-19 އަށް ފައްސި ވެފައިވަނީ އެ ރަށާއި މާލެއާ ދެމެދު ދަތުރުކުރާ ބޯޓެއްގައި އުޅޭ މީހެކެވެ. އެ ކޭސްއާ ގުޅިގެން މިހާތަނަށް 41 މީހަކު ވަނީ ކަރަންޓީނު ކޮށްފައެވެ.