Friday, 20 November 2026
Advertisement
MWSC — SmartMeter (leaderboard)
ޚަބަރު

50 ކައުންސިލް އިމާރާތް: ގިނަ ޕޮއިންޓް ލިބޭނީ އާބާދީ އާއި ޖާގައަށް

50 ކައުންސިލް އިމާރާތް: ގިނަ ޕޮއިންޓް ލިބޭނީ އާބާދީ އާއި ޖާގައަށް

މިއަހަރު ތެރޭގައި ގާއިމްކޮށްދެއްވުމަށް ރައީސް ޑރ. މުހައްމަދު މުއިއްޒު ވައުދުވަޑައިގެންނެވި 50 ކައުންސިލު އިދާރާ ހޮވާނެ ގޮތުގެ ކްރައިޓީރިއާ މިއަދު އާންމުކޮށްފިއެވެ.

ކޮންޓްރެކްޓާ ފައިނޭންސް އުސޫލުން އިމާރާތްކުރައްވާނެ ކަމަށް ރައީސް ޑރ. މުހައްމަދު މުއިއްޒު އިއުލާނުކުރެއްވި, 50 ކައުންސިލު އިދާރާ ކަނޑައެޅުމުގައި ބޭނުންކުރާނެ މިންގަނޑުތަކާއި މާރކްސް ދެވޭނެ ގޮތްތަކަށް ބަލާއިރު، ގިނަ ޕޮއިންޓް ލިބެނީ ރަށުގެ އާބާދީ އާއި، ކައުންސިލުންގެ ވަސީލަތް އަދި އިމާރާތުގެ ހާލަތު (އިމާރާތުގެ އައުބައުމިން) އަށެވެ. މި ތިން ކެޓެގަރީއަށް ކަނޑައެޅިފައިވަނީ 20 ޕޮއިންޓެވެ.

ކައުންސިލްތައް އިމާރާތްކުރުމުގައި ދެން ބަލަނީ، އެ ކައުންސިލަރުން މަސައްކަތްކުރާނެ ޖާގައޮތްތޯ އާއި، މުވައްޒަފުން މަސައްކަތްކުރާނެ ޖާގައޮތްތޯ އާއި، އަންހެނުންގެ ތަރައްގީއަށް މަސައްކަތްކުރާ ކޮމެޓީގެ މެމްބަރުންނަށް ކައުންސިލް އިދާރާގައި ޖާގަ އޮތްތޯ އަދި އެ ކައުންސިލަކީ ކަންގަތި އެވޯޑް ލިބިފައިވާ ކައުންސިލެއްތޯއެވެ. މިއިން ކޮންމެ ކެޓެގަރީއަކަށް ކަނޑައެޅިފައިވަނީ 10 ޕޮއިންޓެވެ.

Advertisement
Allied — Dhen Online (box)

ރައީސް މިދިޔަ މަހު އަތޮޅުތަކަށް ކުރެއްވި ދަތުރުފުޅުގައި ހދ. މަކުނުދޫގެ ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުން ވިދާޅުވީ، ކައުންސިލް އިދާރާ އެޅުމަށް 50 ރަށް ހިޔާރުކުރާއިރު އެންމެ ބޮޑަށް ހަލާކުވެފައިވާ، އެންމެ ޖާގަ ކުޑަ، އެންމެ ގިނަ ދުވަސްވީ ރަށްތަކަށް އިސްކަން ދެއްވާނެކަމަށެވެ. އަދި މިއަހަރު ތެރޭގައި މި މަޝްރޫޢު ފައްޓަވައިދެއްވާނީ 50 ރަށުގައި އެއްފަހަރާކަމުގައިވެސް ވިދާޅުވިއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.