Friday, 20 November 2026
Advertisement
Ooredoo — Airfibre (leaderboard)
ޚަބަރު

ތިން އަހަރުގެ ކާމިޔާބީ ؛ އިޔާދަ ކުރަނިވި ހަކަތައިގެ 490 މެގަވޮޓްގެ ޕްރޮޖެކްޓް ކުރިއަށް

ތިން އަހަރުގެ ކާމިޔާބީ ؛ އިޔާދަ ކުރަނިވި ހަކަތައިގެ 490 މެގަވޮޓްގެ ޕްރޮޖެކްޓް ކުރިއަށް


ދެހާސް އަށާވީސް ވަނަ އަހަރުގެ ނިޔަލަށް ރާއްޖޭގައި ބޭނުންކުރާ ކަރަންޓުގެ 33އިންސައްތައަކީ އިޔާދަކުރަނިވި ހަކަތައަށް ހެދުމަށް ސަރުކާރުން ކަނޑައަޅާފައިވާ އަމާޒަށް ވާސިލުވުމަށްޓަކައި، 490މެގަވޮޓްގެ އިޔާދަކުރަނިވި ހަކަތައިގެ މަޝްރޫއުތައް މިހާރު އެކި މަރުހަލާތަކުގައި ކުރިއަށްދާކަން ތަފާސްހިސާބުތަކުން ދައްކައިފިއެވެ. 

ތިން އަހަރު ކުރި މަސައްކަތުގެ މައްޗަށް ސަރުކާރުން ނެރެފައިވާ ފޮތުގައިވާ ގޮތުން ރާއްޖޭގެ ހަކަތައިގެ ދާއިރާގެ އެންމެ ފަހުގެ ތަފާސްހިސާބުތައް ދައްކާގޮތުން، ސަރުކާރުން ވެރިކަމާ ހަވާލުވިއިރު ރާއްޖޭގައި ގާއިމުކުރެވިފައި ހުރީ 53މެގަވޮޓްގެ އިޔާދަކުރަނިވި ހަކަތައިގެ ނިޒާމެވެ. ނަމަވެސް، މިހާތަނަށް ކުރެވުނު މަސައްކަތްތަކާއެކު، ގާއިމުކުރެވިފައިވާ އިޔާދަކުރަނިވި ހަކަތައިގެ މިންވަރު މިހާރު ވަނީ 136.26މެގަވޮޓަށް އިތުރުވެފައެވެ. 

މީގެ އިތުރުން، 2023ވަނަ އަހަރުގެ ނިޔަލަށް ރާއްޖެއަށް 589.3މިލިއަން ޑޮލަރުގެ ޕެޓްރޯލް އިމްޕޯޓްކޮށްފައިވާކަންވެސް އެ ހިސާބުތަކުން ފާހަގަކުރެވެއެވެ. އާންމު ރައްޔިތުންނަށް ލުއިފަސޭހަކޮށްދީ، ގޭބީސީތަކުގެ ކަރަންޓު ބިލު ކުޑަކުރުމަށް ސަރުކާރުން ފަށާފައިވާ "މަގޭ ސޯލާ"ޕްރޮގްރާމަށްވެސް އަންނަނީ ބޮޑު ތަރުހީބެއް ލިބެމުންނެވެ. އެގޮތުން 3ކިލޯވޮޓްގެ ސޯލާ ސިސްޓަމުން ފުރަތަމަ ފިޔަވަހީގެ ދަށުން 750ގޭބީސީއަކަށް ހުޅުވާލި ފުރުސަތުގައި، މިހާތަނަށް 345ގޭބީސީއެއްގައި ވަނީ ސިސްޓަމް ގާއިމުކޮށްފައެވެ. 

މީގެ އިތުރުން 1.5ކިލޯވޮޓްގެ ސޯލާ ސިސްޓަމުން ދެވަނަ ފިޔަވަހީގެ ދަށުން އިތުރު 300ގޭބީސީއަކަށް ސޯލާ ސިސްޓަމް ދޫކުރުމަށް ވަނީ ހުޅުވާލާފައެ ވެ. މި މަޝްރޫއުގެ ސަބަބުން ގޭބީސީތަކުގެ ކަރަންޓު ބިލުން 80އާއި 90އިންސައްތައާ ދެމެދުގެ އަދަދެއް ކުޑަވެގެންދާނެ ކަމަށް އަންދާޒާކުރެވެ އެވެ. 

ތެލަށް ބަރޯސާވާ މިންވަރު ކުޑަކޮށް، ތިމާވެއްޓާ ރައްޓެހި ގޮތެއްގައި ހަކަތަ އުފެއްދުމަށް ކުރިއަށްގެންދާ މި މަޝްރޫއުތަކުގެ ސަބަބުން ދައުލަތުގެ ބަޖެޓުން ތެލަށް ކުރާ ހޭދަ ވަރަށް ބޮޑުތަނުން ކުޑަވެގެންދާނެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.