ޗައިނާއިން ހަދިޔާކުރި 1،500 ޓަނުގެ ފެން ރާއްޖެ ގެނެސްފި

ޗައިނާއިން ރާއްޖެއަށް ހަދިޔާކުރި 1،500 ޓަނުގެ ބޯފެން ރާއްޖެ ގެނެސްފިއެވެ. ނިމިދިޔަ އަހަރު ޗައިނާގެ ގެ ޝީޒަންގް އޮޓޮމަސް ރީޖަންގެ ޗެއާމަން ޔަން ޖިން ހައި މިދިޔަ އަހަރު ނޮވެމްބަރު މަހު ރާއްޖެއަށް ކުރެއްވި ރަސްމީ ދަތުރުފުޅުގައި ވަނީ ރާއްޖެއަށް ބޯފެން ހަދިޔާކުރަން ނިންމަވާފައިއެވެ.

މިއީ އެ ރީޖަންގައި ހުންނަ ގަނޑުފެނުން އުފެއްދިފައިވާ އެކި މިނެރަލް އިން މުއްސަނދި ސާފު ފެނެއްކަން ފާހަގަކޮށްލެވެއެވެ.

ޝީޒަންގް އޮޓޮމަސް ރީޖަންއަކީ އަގު ބޮޑުކޮށް ވިއްކާ ޕްރީމިއަން ބްރޭޏުޑުތަކުގެ ފެން އުފައްދާ ރީޖަންއެކެވެ.

ދިވެހި ރާއްޖެ އަކީ އެންމެ ކުރީސްހުރެ ޗައިނާ އާއި ގާތް ގުޅުމެއް އޮންނަ ގައުމެކެވެ.