ޔާމީން ހިޔަޅު ވިސްނުމަކު އުޅުނުކަމަށް ލިޔެ ކުރި ޓްވީޓެއް ރައީސް ރީޓްވީޓް ކުރައްވައިފި
ކުރީގެ ރައީސް އަބްދުﷲ ޔާމީން ގެންގުޅުއްވީ ހިޔަޅު ވިސްނުމެއް ކަމަށް ބުނެ ކޮށްފައިވާ ޓްވީޓެއް ރައީސް ޑރ މުހައްމަދު މުއިއްޒު މިރޭ ރީ-ޓްވީޓް ކުރައްވައިފިއެވެ.
ޕީޕީއެމް ޕީއެންސީ މެމްބަރުންނާ ޕާޓީތައްވެސް މަގު މަތިކޮށްލާނެނަމަ، ސުޕްރީމު ކޯޓުން ހުކުމް އިއްވުމުގެ ކުރިން ޕީއެންސީއިން ކެންޑިޑޭޓަކު ދެއްކުމުގެ ފުރުސަތު ނުދެއްވީސް ކަމަށް ކުރީގެ ރައީސް އަބްދުﷲ ޔާމީން ވަނީ ރޭ ބޭއްވި ޖަލްސާއެއް ގައި ވިދާޅުވެފައެވެ.
ޔާމީން ވިދާޅުވީ، އެމަނިކުފާނުގެ ކެންޑިޑެންސީ ބަލައިނުގަތުމަށް ނިންމުމުން ސުޕްރީމު ކޯޓަށް ދުސްތޫރީ މައްސަލަ ވެއްދި ހިސާބުންވެސް ޕީޕިއެމް ޕީއެންސީގެ ލީޑާޝިޕުން އެމަނިކުފާނަށް ނޯޓު ފޮނުވަމުން ގެންދެވި ކަމަށެވެ. އެގޮތުން އެމަނިކުފާނު ހިޔާރުކުރާ ނަންތަކެއް ފޮނުވުމަށް އެދުނު ކަމަށެވެ.
ޔާމީންގެ މަސްލަހަތު އޮންނަ ''ޗެނަލް13'' އިން އެ ވާހަކަތައް ލިޔެފައިވާ އާޓިކަލްއަށް ރައްދު ދެމުން ޔޫތް މިނިސްޓްރީގެ ޑެޕިއުޓީ މިނިސްޓަރު މަރިޔަމް ޝިއުނާ ވިދާޅުވީ ހުކުމުގެ ކުރިން ކެންޑިޑޭޓް ނެރެން ފުރުސަތުދީފައި، ޔާމީން ކަންކުރަން އުޅުނީ ވަރަަށް 'ހިޔަޅު' ވިސްނުމުގައި ކަމަށެވެ.
''އަސްލު އުޅުނީ ރައީސް މުއިއްޒު ޕީޕީއެމުން ވަކިކޮށް، ޕްރައިމަރީން ބަލިކުރަން. ހޭވި ހުރިހާ ހަޑިއެއް ގާތުން ދެކުނިން'' ރައީސް މުއިއްޒު މާލޭގެ މޭޔަރަކަށް އުޅުއްވިއިރު އެމަނިކުފާނު އަރިހުގައި މަސައްކަތްކުރެއްވި ޝިއުނާ ވިދާޅުވިއެވެ.
މިރޭ ބޭއްވި ކެމްޕޭނު ޖަލްސާއަށް ފަހު ރައީސް ވަނީ ޝިއުނާގެ އެ ޓްވީޓް ރީ-ޓްވީޓް ކުރައްވާފައެވެ. މިއީ ވެރިކަމަށް ވަޑައިގެންނެވި ފަހުން ޔާމީން އަށް ފާޑުކިޔާފައިވާ ޓްވީޓެއް ރައީސް ރީ ޓްވީޓް ކުރެއްވި ފުރަތަމަ ފަހަރެވެ.
ރޭ އޮތް ޖަލްސާގައި ޔާމީން ވިދާޅުވީ އެމަނިކުފާނުގެ މިނިވަން ކުރައްވަން ރައީސް މުއިއްޒު އެއްވެސް ވަރަކަށް މަސައްކަތްނުކުރައްވާ ކަމަށެވެ. އެމަނިކުފާނު ވިދާޅުވީ ޝަރިއަތަށް މި ސަރުކާރުން އަތްބާނަމުންދާ ކަމަށެވެ.
މިހާރު ތި މޮޔަގޮވަނީ އަވަހައްދޭ ސިންގަޕޫރައް.. އަހަރެމެން ގެނައީ ނުހައްގުން ދައުލަތައް ދޭންހުރި ފައިސާ މާފްކުރާކަން ނޫން ބޭފުޅާ. ތިކަމަކައް މާފނުކުރާނަން.
ގާނޫނުއަސަސީން ސާފުކޮށް އެގެން އޮތް ޔާމީނަށް ކުރިމަތި ނުލެވޭ ސަބަބު 109 ގެ ޅ އިން އެގެން އޮއްވާ އިލެކްސނަށް ފޯމްހުށަހަޅާ ސްޕްރީމްކޯޓަށް ގޮސް އޭނަޔަށް ކުރިމަތި ނުލެވޭނަމް ބޮއިކަޓް ކުރަން އަންގާ ޕާޓީތައް މަގުމަތިކުރަންރޭވި،ކަމަށް ބެލެވޭ.ޔާމީނަކީ ގައުމުގެ ސިޔާސީ ކަންކަން ނުދަންނަ ސިޔާސީކަންކަން ތަޖްރިބަކުރަން ވެސް ނުދަންނަ ބޭފުލެކޭ ބުނަންޖެހޭނީ. ޔާމީނު ޕިޕިއެމްށް ވެރިވެ ކައުންސިލް އިންތިހާބު ރިޔާސީ އިންތިހާބު މަޖިލީސް އިންތިހާބު ޕިޕިއެމަށް ގެއްލުވަލި. މިވަރުން ނުފުދިގެ ދެންއައި ރިޔާސީ އިންތިހާބު ވެސް ނަގާލުމުގެ ވިސްނުމެއް ޔާމީނުގަ ހުރިކަމަށް ބެލެވެނީ. ޔާމީނުގެ އުސޫލުގަ މި އޮންނަނޯ ދެކޮޅުވެރިކަން ކުރިޔަށް ވެރެ ބިރު ދައކައިގެން ކަންކަން ކާމިޔާބު ކުރުމުގެ ވިސްނުން. މިއީ ސަމްސުއްދީނު ރަދުންގެ ޒަމާނެއްނޫން.މިހާރު މިތިބެނީ ކިޔަވައިގެންތިބި ޔާމީނަށް ވުރެ މޮޅުމީހުން އެމީހުންގެ ވިސްނުނަ ޔާމީނަށް ވުރެވެސް ތޫނު. މިހިސާރުން ޔާމީނުގެ ސިޔާސީކެރިއަރު ނިމިއްޖެ ކަމަށްހީވާންފަށައިފި.ސިޔާސީ މީހަކަށްވެވޭނީ އެންމެ ބޮޑު ދުސްމަނާގެ ވޯޓްވެސް ހޯދަންދަންނަ ފޮމިއުލާ ތިމާގެ ސިކުޑީގަ ހުރެގެން.މީހުނާއި ޖައސާލައިގެން ވޮޓްލިބޭ ފޮމިއުލާއެއް ދުނިޔޭގަ މިހަރަކު ނެތް.