އެއީ އަޅުގަނޑުގެ އަމިއްލަ، މާޖެހި ނިދަންލާ ހެދުމެއް: ރައީސް މައުމޫން
ކުރީގެ ރައީސް މައުމޫން އަބްދުލްޤައްޔޫމް ކޮވިޑަށް ފައްސިވެ، ދަރުމަވަންތަ ހޮސްޕިޓަލުގައި ފަރުވާ ހޯދަމުންދާއިރު، އެމަނިކުފާނު ތުރުކުރައްވައިގެން އޮންނެވި ނިދަންލާ ހެދުމާއި ގުޅޭގޮތުން އާއްމުންނަށް މައުލޫމާތު އޮޅުން ފިލުވާ ދެއްވައިފިއެވެ.
ރައީސް މައުމޫން ހޮސްޕިޓަލުގައި އޮންނަވަނިކޮށް ނަގާފައިވާ ފޮޓޯއެއް މީސްމީޑިއާގައި އާއްމު ކުރަމުން ބައެއް މީހުން ބުނެފައިވަނީ، ފަރުވާގެ ދުވަސްވަރުގައި އެމަނިކުފާނާއި އާއިލާގެ އެއްވެސް ބޭފުޅަކާއި ބައްދަލު ނުކުރެވޭނެތީ، އަނބިކަނބަލުން ނަސްރީނާގެ ހެދުމެއް ރައީސް މައުމޫނު ތުރުކުރައްވައިގެން އޮންނެވި ކަމަށެވެ. އަދި އެއީ އެކަމަނާގެ ދެކެ އެމަނިކުފާނު ވާ ލޯބިން، އެކަމަނާ ގާތު ހުންނެވުމަށްޓަކައި ކުރެއްވި ކަމެއް ކަމުގައި ވެސް ގިނަ މީހުން ދިޔައީ ބުނަމުންނެވެ.
އެބަސްތަކަށް ޝުކުރު އަދާ ކުރައްވަމުން މިއަދު ރައީސް މައުމޫން ވިދާޅުވީ، ނަމަވެސް ފޮޓޯއިން އެފެންނަނީ އެމަނިކުފާނު އަމިއްލަފުޅު ނިދާ ހެދުމެއް ކަމަށާއި އެއީ މާޖެހި ހެދުމެއް ކަމަށެވެ.
ރައީސް މައުމޫން ކޮވިޑަށް ފައްސިވެގެން ބޭސް ފަރުވާ ކުރައްވަން ދަރުމަވަންތަ ހޮސްޕިޓަލަށް ގެންދިޔައީ މިދިޔަ އޮގަސްޓު މަހުގެ 26 ވަނަ ދުވަހުގެ ރެއެވެ.
އެމަނިކުފާނު ބައްޔަށް ފައްސިވުމުން ސިޔާސީ އެތައް ބަޔަކު ވެސް އެމަނިކުފާނަށް ވަނީ ހެޔޮ ދުޢާ ކޮށްފައެވެ. އޭގެ ތެރޭގައި ސަރުކާރުގެ ބައެއް ބޭފުޅުންނާއި އިދިކޮޅު ބައެއް އިސް ފަރާތްތައް ވެސް ހިމެނެއެވެ.
ކިޔަާފާނެެ ކޮންމެެ އެއްޗެއްް ވެސް