އެފްޑީސީ ފްލެޓްތައް ނިންމަން އިތުރު 454 މިލިއަން ރުފިޔާ ބޭނުންވޭ: ހަމްދާން
ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ފެށި ފަހި ދިރިއުޅުން ފްލެޓުގެ މަޝްރޫއުގެ ސްކޯޕްގައި މުހިއްމު ބައިތައް ހިމަނާފައިނުވާތީ އެ ކަންކަން ފުރިހަމަކުރަން އިތުރު 454.5 މިލިއަން ރުފިޔާ ބޭނުންވާ ކަމަށް ފަހި ދިރިއުޅުން ކޯޕަރޭޝަންގެ މެނޭޖިން ޑިރެކްޓަރު ހަމްދާން ޝަކީލް މިއަދު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ހަމްދާން ވިދާޅުވީ އެ މަޝްރޫއުގެ ތެރޭގައިި ސްކޯޕްގައި ގިނަ ކަންތައްތައްތަކެއް އޮތީ ނުހިމަނާ ކަމަށެވެ.
އޭގެ ތެރޭގައި ޓަވަރުތައް ޕަވާ ގްރިޑަށް ގުޅާލުމާއި، ސެކިއުރިޓީ ސިސްޓަމްތަކާއި، ޓަވަރުތަކާއި ކުއްޔަށް އުޅޭ ފަރާތްތަކަށް އިންޓަނެޓާއި އެހެނިހެން މީޑިއާކަނެކްޓް ކުރެވޭނެ ގޮތަށް ޖީޕީއޯއެން ނެޓްވޯކް، ކުނި ނައްތާލުމުގެ ނިޒާމާއި ލޭންޑް ސްކޭޕިންގގެ މަސައްކަތްތައް ފަދަ މުހިންމު ހިދުމަތްތަކާއި ވަސީލަތްތައް ހިމެނޭ ކަމަށް ވިދާޅުވިއެވެ.
ހަމްދާން ވިދާޅުވީ މިދިޔަ ވެރިކަމުގައި ނުކޮށް ހުރި މަސައްކަތްތައް ނިންމުމަށް އިތުރު 454.5 މިލިއަން ރުފިޔާ ބޭނުންވާ ކަމަށާއި މި މަސައްކަތްތަކަށް ފައިނޭންސިން ހޯދުމަށް ސަރުކާރާ ގުޅިގެން މަސައްކަތް ކުރަމުންދާ ކަމަށެވެ.
ސޯލިހުގެ ސަރުކާރުގެ ފަހުކޮޅު ހިންގި ގެދޮރުވެރިޔާ ސްކީމުގެ ދަށުން އެފްޑީސީން ހުޅުމާލޭ ދެވަނަ ފިޔަވަހީގައި ދެ ކުންފުންޏަކާ ހަވާލުކޮށްގެން 32 ހައުސިން ޓަވަރު އަންނަނީ އަޅަމުންނެވެ.
ފަހި ދިރިއުޅުން ކޯޕަރޭޝަނުން 4000 ހައުސިން ޔުނިޓު ތަރައްގީ ކުރާއިރު، އެ ޔުނިޓުތައް ހަވާލުކުރާނީ ކޮންމެހެން ބޭނުންވާ، ޒަރޫރީ ފިނިޝިންގެ މަސައްކަތްތައް ނިންމުމަށް ފަހުގައި ކަމަށް އެ ކުންފުނިން މައުލޫމާތު ދީފައިވެއެވެ.
އެ ޓަވަރުތަކުގެ ގްރައުންޑް އަދި ފުރަތަމަ ފަންގިފިލާ އަކީ ވިޔަފާރިތަކަށް ހުޅުވައިލާ ތަންތަނެވެ.
ތިތާގަ ހަދާ މިސްކިތްތަކުގެ އަގުވެސް ފުލެޓުތަކަށް އެޑްކޮށްލަންވާނެ .