އެހީގެ ގޮތުގައި މިދިޔަ މަހު ޒަކާތް ހައުސްއިން 8 ލައްކަ އަށްވުރެ ގިނަ ރުފިޔާ ޚަރަދުކުރި

ޒަކާތުގެ ކަންކަން ބެލެހެއްޓުމަށް މި ސަރުކާރުން އުފެއްދި އާ އިދާރާ، މޯލްޑިވްސް ޒަކާތު ހައުސް އިން އެހީގެ ގޮތުގައި މިދިޔަ މަހު 800،000 އަށް ވުރެ ގިނަ ރުފިޔާ ދީފައިވާ ކަމަށް އެ އިދާރާއިން ބުނެފިއެވެ.
އެ އިދާރާއިން އާންމުކޮށްފައިވަ މިދިޔަ މަހުގެ ތަފާސް ހިސާބުތަކުން ދައްކާ ގޮތުގައި އެހީގެ ގޮތުގައި 59 މީހަކަށް ޖުމްލަ 878،682.88ރ. ވަނީ ހަރަދުކޮށްފައެވެ. ޒަކާތު ފަންޑުން އެހީގެ ގޮތުގައި ދިނުމަށް ހަމަޖެހިފައިވަނީ 685،026.19ރ. އެވެ.
https://twitter.com/zakathousemv/status/1783024313416982967?s=61&t=hioxbKfLcHrIM_hENof29A
އެހީ ދެވުނު މައިގަނޑު ކަންތައްތަކުގެ ތެރޭގައި ހިމެނެނީ ކެންސަރު, ހިތުގެ އޮޕަރޭޝަން, ސިކުނޑީގެ އޮފަރޭޝަން އަދި ޓްރާންސްޕްލާންޓެވެ. އެގޮތުން ކެންސަރުގެ ބައްޔަށް ފަރުވާ ހޯދުމަށް އެހީގެ ގޮތުގައި 190.822.59ރ. ދީފައިވާއިރު ހިތުގެ އޮޕަރޭޝަންތަކަށް 8,481.00ރ. ދީފައިވެއެވެ. އަދި ޓްރާންސްޕްލާންޓް ހެދުމަށް 25,433.00ރ., ސިކުނޑީގެ އޮޕަރޭޝަންތަކަށް 180,407.19ރ. ހަރަދުކޮށްފައިވާ ކަމަށް ތަފާސްހިސާބުތަކުން ދައްކައެވެ. މީގެ އިތުރުން އެހެނިހެން ކަންކަމަށް 279,872.50 ރުފިޔާ ހަރަދުކޮށްފައިވެއެވެ.
މީގެ އިތުރުން ހާއްސަ ހާލަތްތައް މެދުވެރިވެގެން ހާލުގައި ޖެހޭ މީހުންނަށް ޒަކާތު ފަންޑުން ދޭ އެހީގެ ގޮތުގައި މިދިޔަ މަހު 17,207.65ރ. ދީފައިވެއެވެ. އޭގެ ތެރޭގައި ހިމެނެނީ ހާއްސަ ހާލަތްތައް މެދުވެރުވެގެން ހާލުގައި ޖެހޭ މީހުންނެވެ.
އެހެނިހެން ޚަރަދުގެ ގޮތުގައި ސްކޮލަރޝިޕަށް 44,563.80ރ. ޚަރަދުކޮށްފައިވާއިރު، އިދާރާގައި މަސައްކަތްކުރާ މުވައްޒަފުން ނުވަތަ ޢާމިލުންގެ އުޖޫރައިގެ ގޮތުގައި 374,950.28ރ. ޚަރަދުކޮށްފައިވެއެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.