240 ދަޅު ބިޔަރާއެކު ކުޑަކުއްޖަކު ހައްޔަރުކޮށްފި

ގިނަ އަދަދެއްގެ ބިޔަރު ދަޅުތަކަކާއެކު ކުޑަކުއްޖަކު ހައްޔަރުކޮށް މައްސަލަ ބަލަން ފަށައިފި އެވެ.

Ads by Hajj Corporation

ފުލުހުން ބުނީ ޑްރަގް އެންފޯސްމަންޓް ޑިޕާޓްމަންޓާއި ޑްރަގް އިންޓެލިޖެންސް ގުޅިގެން އިއްޔެ ހިންގި އޮޕަރޭޝަނެއްގައި ކޯޓް އަމުރެއްގެ ދަށުން ގަލޮޅު ގެއެއް ބަލައި ފާސްކޮށް އެ ގޭތެރެއިން 240 ބިޔަރު ދަޅު އަތުލާފައިވާ ކަމަށެވެ. އަދި މި އޮޕަރޭޝަންގައި ދެ މީހެއް ހައްޔަރު ކޮށްފައިވާ ކަމަށާއި އެއީ 17 އަހަރުގެ ފިރިހެން ކުއްޖަކާއި 29 އަހަރުގެ ދިވެހި ފިރިހެނެއް ކަމަށް ވެސް ފުލުހުން ބުނެފައިވެއެވެ.

ފަހަކަށް އައިސް މަސްތުވާތަކެތީގެ މައްސަލަތައް އިތުރުވަމުން އަންނަކަން ފާހަގަ ކޮށްލެވެއެވެ.