ދިވެހި ޓީޗަރުންނެއް ނެތް، ބިދޭސީ ޓީޗަރުން ގެނައުމުގެ ވިސްނުން
ދިރާސީ އާ އަހަރުގެ ކިޔެވުން ފަށަން ތައްޔާރުވަމުން ދާއިރު މާލެ ސަރަހައްދުގެ ސްކޫލުތަކަށް ބޭނުންވާ އަދަދަށް ދިވެހި ޓީޗަރުން ނެތްކަމަށް އެޑިއުކޭޝަން މިނިސްޓްރީން ހާމަކޮށްފި އެވެ.
މާލެ ސަރަހައްދުގެ ސްކޫލުތަކަށް އެކަނި ގާތްގަނޑަކަށް އިތުރު 89 ޓީޗަރުން ބޭނުންވާ ކަމަށް ރެކޯޑުތަކުން ދައްކަ އެވެ. އެހެންނަމަވެސް މުޅިން އަލަށް ސްކޫލުތަކާއި ގުޅެން ތިބީ 57 ވަރަކަށް ޓީޗަރުންނެވެ.
މިކަމާއި ގުޅޭގޮތުން އެޑިއުކޭޝަން މިނިސްޓަރު އިސްމާއިލް ޝަފީއު ވިދާޅުވީ މަދުވާ 30 ވަރަކަށް ޓީޗަރުން ބޭރުން ގެނައުމަށް ރެކްރޫޓްމަންޓް ޕްރޮސެސްއެއް ކުރިއަށް ގެންގޮސްފައިވާ ކަމަށެވެ. އެހެންނަމަވެސް ސްކޫލުތަކަށް ސީދާ ބޭނުންވާ ޓީޗަރުންގެ އަދަދު ނިންމަން އިނގޭނީ ދަރިވަރުންގެ އަދަދު ކަށަވަރު ވުމުން ކަމަށް މިނިސްޓަރު ވިދާޅުވި އެވެ.
އެޑިއުކޭޝަނުން ބުނި ގޮތުގައި ދިރާސީ އަހަރުގެ ކިޔެވުން ފެށުމުގެ ކުރިން ޓީޗަރުން ހަމަކުރަން ގޮންޖެހުންތަކެއް އެބަހުއްޓެވެ. އެހެންނަމަވެސް ބޭނުންވާ ޓީޗަރުންގެ އަދަދު ކަށަވަރުވުމުން ބިދޭސީ ޓީޗަރުންނަށް ރާއްޖެ އައުމަށް ދައުވަތު ދޭނެ ކަމަށް އެ މިނިސްޓްރީން ބުނެ އެވެ.
ނިމިދިޔަ އަހަރު ރާއްޖޭގައި 1،800 އެއްހާ ބިދޭސީ ޓީޗަރުން މަސައްކަތް ކުރި އެވެ. އެމީހުންނަށް މުސާރަ ދިނުމަށް ދައުލަތުން 350 މިލިއަނެއްހާ ރުފިޔާ އަހަރަކު ހަރަދު ކުރެ އެވެ. އެހެންކަމުން ސަރުކާރުން ވަނީ ދިވެހި ޓީޗަރުން ގިނަކުރުމުގެ މަސައްކަތް ފަށައިފަ އެވެ.
ވޭތުވެދިޔަ ކުރު ތާރީހުގައި ދިވެހިން ޓީޗަރުންނަށް ވުމުގެ ޝައުގުވެރިކަން ކުޑަވަމުން ދިޔައީ މުސާރަތައް ކުޑަވުމުގެ ސަބަބުންކަމަށް ބެލެވެ އެވެ. އެހެންނަމަވެސް ނިމިދިޔަ އަހަރު ރައީސް އިބްރާހިމް މުހައްމަދު ޞާލިހު ވަނީ ޓީޗަރުންގެ މުސާރަތައް ބޮޑުކޮށްފަ އެވެ.
ނުކާ، ނުބޮއެ، ނުނިދާ، ސަލާމް ނުބުނެވޭ ވަޒީފާއެއް. އެއަށްވުރެ ފަސޭހަ ޑިގްރީ ނަގައިގެން ސަރުކާރު އޮފީހެއްގެ ޑިރެކްޓަރ ނޫނީ އެޑްމިން ވެސް.
ޓީރުންނަށް ތަންކޮޅެއް ލުއިވާ ގޮތައް ސްކޫލްތަކުގެ ކަންކަން އިންތިޒާމް ކޮށް ދެވިއްޖެ ނަމަަ ފަސޭހަ ވެގެންދާނެ ކަމަށް ފެނޭ، ސިކުނޑިއާ އެކަށީގެން ނުވާ ވަަރަށް މަސަތްކަތް ކުރަންޖެހުމުގެސަބަބުން ނަފްސާނީ ަވެ ކުރަންޖެހޭ ކަންކަން އެންމެ ފުރިހަމަ އަށް ނުކުރެވޭ.
ޓީޗަރުންނަކީ ހުރިހާ ސަރުކާރަކުންވެސް ވަރަށް ބޮޑަށް އިހުމާލު ވެފައިވާ ބައެއް. ޓީޗަރުން.ކުރާ.މަސައްކަތާއި ބަލާފަ މުސާރަ އަދިވެސް ވަރަށް.ކުޑަ
ޓީޗަރުންނަކީ ހުރިހާ ސަރުކާރަކުންވެސް ވަރަށް ބޮޑަށް އިހުމާލު ވެފައިވާ ބައެއް. ޓީޗަރުން.ކުރާ.މަސައްކަތާއި ބަލާފަ މުސާރަ އަދިވެސް ވަރަށްކުޑަ
މުސާރަ ބޮޑުކުރީ އެއްނޫން. ހަފްތާ އަކު 6 ދުވަސް ރަސްމީ ދުވަސް ގޮތުގަ ހަދައިފަ އަދި އަންނަ ބަންދު ދުވަސް ތައްވެސް ރަސްމީ ދުވަސް ގޮތުގަ ހަދައިފަ، ރަމަޟާން މަހުވެސް 8 ގަޑި އިރު މަސައްކަތް ކުރީމަ އިތުރު ގަޑި ލިބޭގޮތައް އޮންނަނި. މިހެން ކަންތައް ކުރީމަ ކިހިނެއް ދިވެހިން ލިބޭނީ. އަދި ނުވިތާކަން އިތުރު ގަޑި ވެސް ފިކްސް ކޮށްފަ. ކުރިޔަށް އޮތްތާ އަދި ދިވެހިން ނުވެސް ލިބޭނެ.