Saturday, 14 November 2026
Advertisement
HDC — Share-Below (leaderboard)
ޚަބަރު

ޕީސީބީ ރައީސާއި ފަސް މެންބަރަކަށް ރުހުން ދީފި

ޕީސީބީ ރައީސާއި ފަސް މެންބަރަކަށް ރުހުން ދީފި
ޕްރައިވަޓައިޒޭޝަން އެންޑް ކޯޕަރަޓައިޒޭޝަން (ޕީސީބީ)ގެ ބޯޑަށް, ރައީސުލްޖުމްހޫރިއްޔާ ޑރ. މުހައްމަދު މުއިއްޒު އައްޔަން ކުރެއްވި މެންބަރުންނަށް ރައްޔިތުންގެ މަޖިލީހުން މިއަދު ރުހުން ދީފިއެވެ. މަޖިލީހުން މިއަދު ރުހުން ދިން ބޭފުޅުންނަކީ:
  • ހަމްދީ އަގީލް (ރައީސް ކަމަށް)
  • މުހައްމަދު އާޒާދު (ފައިނޭންސް ދާއިރާ މެންބަރު)
  • ލީނާ އަބްދުލް ޖަލީލު (ބޭންކިން ދާއިރާގެ މެންބަރު)
  • މޫސާ ފަތުހީ އާދަމް (ބިޒްނަސް އެޑްމިނިސްޓްރޭޝަން ދާއިރާގެ މެންބަރު)
  • އަހުމަދު ރަޝާދު (ގާނޫނީ ދާއިރާގެ މެންބަރު)
  • ހަސަން ޒަރީރު (އިކޮނޮމިކް ދާއިރާގެ މެންބަރު)
ވަކިވަކިން ކޮންމެ ބޭފުޅަކަށް ރުހުން ހޯދަން އެހި ވޯޓުގައި, ހުރިހާ ބޭފުޅުންނަށް ވެސް ރުހުން ލިބިފައިވަނީ ވޯޓުގައި ބައިވެރިވެވަަޑައިގެންނެވި މެންބަރުންގެ އިއްތިފާގުންނެވެ. ހަމްދީ އަގީލަކީ އޮސްޓްރޭލިއާގެ ކާޓިން ޔުނިވާސިޓީން މާސްޓާ އޮފް ކޮމާސް ހާސިލު ކުރައްވާފައިވާ ބޭފުޅެކެވެ. އޭނާ ވަނީ ފިއުލް ސަޕްލައި މޯލްޑިވްސް ގެ މެނޭޖިން ޑިރެކްޓަރު ކަމުގެ މަގާމާއި، މޯލްޑިވްސް ރޯޑް ކޯޕަރޭޝަންގެ މެނޭޖިން ޑިރެކްޓަރު ކަމުގެ މަގާމު ފުރުއްވައިފަ އެވެ. ޖުމުލަ ހަތް މެންބަރުން ތިއްބަވާ ޕީސީބީ ބޯޑުގެ ރައީސްގެ މަގާމު ހުސްވެފައި މިވަނީ މިދިޔަ ސެޕްޓެމްބަރު މަހު އެ ބޯޑުގެ އޭރުގެ ރައީސްގެ މަގާމުގައި ހުންނެވި އާސިމް މުހައްމަދުގެ ދައުރު ހަމަވުމާ ގުޅިގެންނެވެ. ހަތް މެންބަރުންގެ މައްޗަށް އެކުލެވޭ ޕީސީބީ އަކީ 2013 ވަނަ އަހަރު ވުޖޫދަށް އައި ދައުލަތުގެ ވިޔަފާރި ކުންފުނިތައް ޕްރައިވަޓައިޒްކުރުމާއި ކޯޕަރަޓައިޒްކުރުމާއި މޮނިޓާކޮށް އިވެލުއޭޓްކުރުމުގެ ގާނޫނުގެ ދަށުން އުފެއްދި ބޯޑެކެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.