ލަންކާ ކައިރިން ރޯވި ބިޔަ ތެޔޮ ޓޭންކަރާއި ގުޅިގެން، ރާއްޖޭގެ ކަނޑަށް ތެޔޮ އެޅުމުގެ ފުރުސަތު ކުޑަ
ސާފުނުކުރާ ތެޔޮ ބަރު ކޮށްގެން ކުވައިތުން އިންޑިއާ އަށް ދަނިކޮށް ލަންކާގެ އިރުމަތީ ފަރާތު ބޭރުން އިއްޔެ ހެނދުނު އަލިފާން ރޯވި ތެޔޮ ޓޭންކަަރާއި ގުޅިގެން، ރާއްޖޭގެ ކަނޑަށް ތެޔޮ އެޅުމުގެ ބިރެއް މިހާތަނަށް ނެތް ކަމަށް ރާއްޖޭގެ ކޯސްޓް ގާޑުން މިއަދު ބުނެފި އެވެ.
އެންވަޔަރަމެންޓް މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެމްއެންޑީއެފް ކޯސްޓް ގާޑްގެ ކޮމަޑާންޓް ކާނަލް މުހައްމަދު ސަލީމް ވިދާޅުވީ، ގެއްލުމެއް ލިބިދާނެތީ ޚާއްސަ ޓާސްކްފޯހެއް އެކުލަވާލައި ބޭރުގެ ފަރާތްތަކާ ގުޅިގެން އެކަން ގާތުން ބަލަމުން އަންނަ ކަމަށެވެ. މިހާތަނަށް ބެލި ބެލުމުން އެފަދަ ނުރައްކަލެއް ނެތް ކަމަށާއި އޮޔާއި ވައި ހުރިގޮތުން ނުރައްކާ އިތުރަށް ކުޑަވާނެ ކަމަށް ބެލެވޭ ކަމަށް އޭނާ ވިދާޅުވި އެވެ.
"ފަޔާ އިންސިޑެންޓަކާ ދިމާވެގެން އޮއިލް ލީކް ނުވާނެއޭ ނުދެންނެވޭނެ. އެހެން ނަމަވެސް މިހާރުގެ ސިޗުއޭޝަނަށް ބަލާއިރު، އެއްވެސް ކަހަލަ ތިލަ ތަނަކާ ދިމާ ނުވަތަ ފަރަށް އަރާ އެކަހަލަ އިޝޫއެއް ނެތް. އެހެންވީމާ ހަލްއަށް ގެއްލުމެއް ލިބުމުގެ ފުރުސަތު ވަރަށް ކުޑަ،" ސަލީމް ވިދާޅުވި އެވެ.
އިތުރަށް ވާހަކަފުޅު ދައްކަވަމުން ސަލީމް ވިދާޅުވީ، ހޫނު ގަދަވުމުގެ ސަބަބަބުން، އިތުރަށް ލީކް ވެދާނެ ކަމަށާއި ނަމަވެސް އެކަމުގެ ފުރުސަތު ކުޑަ ކަމަށެވެ.
"އެހެން ނަމަވެސް ހޫނު ގަދަވެގެން އިތުރަށް ގޯސްވާ ނަމަ ލީކުވުމުގެ ފުރުސަތު އޮންނާނެ. ނަމަވެސް މިހާރު އަޅުގަނޑުމެންނަށް ލިބޭ އަޕްޑޭޓަށް ބަލާއިރުގައި ތެޔޮ ލީކުވުމުގެ ފުރުސަތު ވަރަށް ކުޑަ ކަމަށް ސްރީ ލަންކާގެ ފަރާތުން މައުލޫމާތު ދެނީ." ސަލީމް ވިދާޅުވިއެވެ.
ސަލީމް ވިދާޅުވީ، މި ހާދިސާ ހިނގާފައިވާއިރު، މީގެ ކުރިން އެބޭފުޅުން ވަނީ މިރީޖަންގައި މިފަދަ ހާދިސާއެއް ހިނގައިދާނެ ކަމަށް ބަލައި ކުރީއްސުރެ އެކި ކަހަލަ މަސައްކަތްތައް ކޮށްފައިވާ ކަމަށެވެ. އެގޮތުން ސްރީލަންކާ، އިންޑިއާ އަދި ދިވެހި ރާއްޖެ ގުޅިގެން "ދޯސްތީ" ގެ ނަމުގައި ސަރުކާރުގެ ކަމާއި ބެހޭ އިދާރާތަކާއި ގުޅިގެން އެކްސަސައިޒް އާއި އެކި ކަހަލަ ތަމްރީނުތައް ދީފައިވާކަން އޭނާ ވަނީ ފާހަގަކޮށްފައެވެ.
މީގެ އިތުރުން އެފަދަ ހާލަތެއް މެދުވެރިވެއްޖެނަމަ ބޭނުން ކުރާނެ ވަސީލަތްތައްވެސް ޖަޕާނު ސަރުކާރުގެ ފަރާތުން ރާއްޖެއަށް ލިބިފައިވާ ކަމަށް ސަލީމް ވިދާޅުވިއެވެ.
ތިކަމުގެ އަސަރު މަސް ވެރިކަމަށް