ކުކުޅު ފިހާރަ 6 މަޑުއްވަރީގައި ހުޅުވައިފި
ރ. މަޑުއްވަރީ ގައި "ކުކުޅު ފިހާރައިގެ ޝޯރޫމެއް ހުޅުވައިފިއެވެ.
"ކުކުޅު ފިހާރައިން" މައުލޫމާތު ދީފައިވާ ގޮތުގައި މަޑުއްވަރީގައި އެކުންފުނީގެ ފިހާރައެއް ހުޅުވީ ރ. އަތޮޅުގެ ރަށްތަކަށް ފަސޭހަކަމާއެކު ފިނިކުރި ކާބޯތަކެތި ފޯރުކޮށްދިނުމުގެ ބޭނުމުގައި ކަމަށެވެ.
މިއީ އަތޮޅު ތެރޭގައި ހުޅުވި "ކުކުޅު ފިހާރައިގެ" ތިންވަނަ ޝޯރޫމެވެ. މަޑުއްވަރީގައި ހުޅުވި މިޝޯރޫމް ހުންނަނީ ފާމުދޭރި މަގުގައެވެ.
މިޝޯރޫމް އާއެކު މިހާރު "ކުކުޅު ފިހާރައިގެ ހަ ތަނެއް ހުރެއެވެ.
މަޑުއްވަރީގެ އިތުރުން ދެން "ކުކުޅު ފިހާރަތައް" ހުންނަނީ:
▪︎ ކުކުޅު ފިހާރަ 1: ހުޅުމާލޭ ގައި
▪︎ ކުކުޅު ފިހާރަ 2: މާފަންނު އޭއެމްޑީސީ ސަރަޙައްދު ގައި
▪︎ ކުކުޅު ފިހާރަ 3: ހެންވޭރު ކަލާފާނު ހިނގުމުގައި
▪︎ ކުކުޅު ފިހާރަ 4: އއ. ތޮއްޑޫ ގައި
▪︎ ކުކުޅު ފިހާރަ 5: އައްޑޫ ސިޓީ ހިތަދޫ ގައި
އެކުންފުނީގެ އިތުރު ޝޯރޫމްތައް އަތޮޅުތަކުގައި ހުޅުވަން މަސައްކަތް ކުރަމުން އަންނަ ކަމަށް ކުކުޅު ފިހާރައިގެ ޑިރެކްޓަރ ސޭލްސް އެންޑް މާރކެޓިން، ނަޝާތު ވިދާޅުވިއެވެ.
މީގެއިތުރުން "ކުކުޅު ފިހާރަ" އިން ކޮންމެ ހަފުތާއަކު "ފްރޯޒަން ޕެކް" އެއް ލިބޭ ޕްރޮމޯޝަނެއް ވެސް މިފަހުން ވަނީ ފަށައިފައެވެ. އަންނަ އޮކްޓޫބަރު 20 ގެ ނިޔަލަށް ފޭސްބުކްގައި އެ ފިހާރައިން ކުރިއަށް ގެންދާ މި ޕްރޮމޯޝަނުގައި ކުކުޅު ފިހާރައިގެ ޕޭޖުގައިވާ "ޝެއާ އެންޑް ވިން" ޕޯސްޓަށް ލައިކް ކުރުމަށް ފަހު، އެ ޕޯސްޓު ޝެއާކޮށް، ރައްޓެއްސަކު ޓެގް ކުރުމުން މި ޕްރޮމޯޝަނުގައި ބައިވެރިވެވޭނެ އެވެ.
Ads by STO
