Saturday, 14 November 2026
Advertisement
Ooredoo — Airfibre (leaderboard)
ޚަބަރު

އިހުތިޖާޖުތަކަށް މަރުހަބާ ކިޔަން، އެކަމަކު މުދަލަށް ގެއްލުން ދޭން ޖާގައެއް ނުދޭނަން: ޝިޔާމް

އިހުތިޖާޖުތަކަށް މަރުހަބާ ކިޔަން، އެކަމަކު މުދަލަށް ގެއްލުން ދޭން ޖާގައެއް ނުދޭނަން: ޝިޔާމް

ސުލްހަވެރިކަމާ އެކު ކުރާ އިހުތިޖާޖްތަކަށް މި ސަރުކާރުން މަރުހަބާ ކިޔާނެ ކަމަށާއި އެކަމަކު އިހުތިޖާޖުތަކުގައި ދައުލަތުގެ މުދަލަށް ގެއްލުން ދިނުމުގެ ފުރުސަތު ނުދޭނެ ކަމަށް ފިޝަރީޒް މިނިސްޓަރު އަހުމަދު ޝިޔާމް މިރޭ ވިދާޅުވެއްޖެ އެވެ.

ހެންވޭރުގައި ޕީއެންސީގެ އާ ހަރުގެ ހުޅުވުމަށް ބޭއްވި ޖަލްސާގައި ޝިޔާމް ވަނީ ދަައުލަތުން ދޭން ޖެހޭ ފައިސާ ހޯދުމަށް މަސްވެރިން ކުރަމުންދާ އިހުތިޖާޖުތަކަށް އަލިއަޅުވާލައްވައި ވާހަކަދައްކަވާފަ އެވެ. އެގޮތުން މިހާރު އައްޑޫ ހުޅުމީދޫގެ މިފްކޯ ފެކްޓަރީގައި މަސްވެރިން ކުރަމުންދާ އިހުތިޖާޖަށް އިޝާރާތް ކުރައްވަމުން ޝިޔާމް ވިދާޅުވީ، މުދަލަށް ގެއްލުންދީ، އެހެން ރއްޔިތުންގެ ހައްގުތަކަށް އަރައިގަތުމަކީ ސަރުކާރުން ބަލައިގަންނާނެ ކަމެއް ނޫން ކަމަށެވެ.

"ސުލްހަވެރިކަމާ އެކު ކުރާ އިހުތިޖާޖްތަކަށް އަޅުގަނޑުމެން މަރުހަބާ ކިޔަނީ ރައްޔިތުންގެ މުދަލަށް ގެއްލުންދޭ ހިސާބަށް އިހުތިޖާޖުތަކުގައި ދާން އަޅުގަނޑުމެން އެ ފުރުސަތެއް ނުދޭނެ. އެއީ މަސްވެރިންނަށް ކަމުގައި ވިޔަސް. އަދި އެއީ އެހެން އިހުތިޖާޖެއް ކުރާ ބައެއް ކަމުގައި ވީނަމަވެސް." ޝިޔާމް ވިދާޅުވި އެވެ.

Advertisement
Allied — Dhen Online (box)

ޝިޔާމް މިގޮތަށް ވިދާޅުވިއިރު މިފްކޯ އިން ވަނީ އެ އިހުތިޖާޖުގެ ތެރެއިން އެތަނުގެ އޮޕަރޭޝަނަށް ހުރަސް އަޅައި މުވައްޒަފުންގެ ހައްގުތަކަށް އިހުތިޖާޖުގެ ބައިވެރިން އަރަމުންދާ ކަމަށް ބުނެފަ އެވެ.

އީދުގެ ނިޔަލަށް މަސްވެރިންނަށް ދޭންޖެހޭ 90 މިލިއަނެއްހާ ރުފިޔާގެ ތެރެއިން އޭގެ ދެބައި ކުޅަ އެއްބައި މަސްވެރިންނަށް ދައްކާ ހަލާސްކޮށްފައިވާ ކަން ޝިޔާމް ފާހަގަކުރެއްވި އެވެ. އަދި މި ހަފްތާގައި ވެސް ކުރާނެ އެންމެ ބޮޑުު މަސައްކަތަކީ ވީހާވެސް އެ ފައިސާ ދައްކާ ހަލާސް ކުރުމަށް ކަމަށް އޭނާ ވިދާޅުވި އެވެ.

"އެޖެންޑާގެ އެންމެ ކުރީގައި އޮތީ. އަޅުގަނޑުމެން މި ހަފްތާ ތެރޭގައި ވެސް ކުރާނެ އެންމެ ބޮޑު މަސައްކަތަކީ މިވަގުތު މަސްވެރިންނަށް ނުދެވި ހުރި ފައިސާ ވީހާވެސް އަވަހަކަށް ދައްކާ ހަލާސްކުރުމަށް." ޝިޔާމް ވިދާޅުވި އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.