ދެން އޮންލައިންގެ ފުރަތަމަ ޕޮޑްކާސްޓު މިރޭ 9:30 ގައި
ދެން އޮންލައިން އިން މުޅިން އަލަށް ފަށާ ޕޮޑްކާސްޓު "ހަވާސާއިން ބޭރުން" މިރޭ 9:30 ގައި ސްޓްރީމް ކުރަން އިއުލާން ކޮށްފި އެވެ.
މިރޭ ފަށާ މި ޕޮޑްކާސްޓަކީ ރާއްޖޭގައި އެދުވަސްވަރެއްގައި ހިންގަމުން އަންނަ ސިޔާސީ އަދި އިޖުތިމާއީ ކަންކަމާއި ގުޅޭ އެންމެ ފަހުގެ މައުލޫމާތުތަކަށް ތަފްސީލީ ގޮތެއްގައި ވާހަކަ ދައްކާ ޝޯ އެކެވެ.
އެގޮތުން މިރޭގެ ޝޯގައި މެހެމާނެއްގެ ގޮތުގައި ބައިވެރިވެވަޑައިގަންނަވަނީ ރައްޔިތުންގެ މަޖިލީހުގެ ހިތަދޫ މެދު ދާއިރާގެ މެމްބަރު އަހުމަދު އަޒާން މަރުޒޫގު އެވެ. މި ޝޯގައި ރައްޔިތުންގެ މަޖިލީހުގެ މަސައްކަތްތަކާއި، ރާއްޖޭގެ އިޤްތިޞާދުގެ އިތުރުން ސިޔާސީ މަސްރަހާއި ގުޅުންހުރި ވާހަކަތައްވެސް ގެނަސްދޭނެ އެވެ.
ދެން އޮންލައިން އިން މިދިޔަ ރަމަޟާން މަހު ގެނަސްދިން ޝޯތަކަށްފަހު އަލަށް ފަށާ ޕޮޑްކާސްޓު، ސީރީޒްއެއް ގޮތަށް ދިގު ދެމިގެން ދާނެ އެވެ.
މި ޝޯވތައް މިރޭ 9:30 ގައި ސްޓްރީމް ކުރާނީ ދެން އޮންލައިންގެ އެކި ސޯޝަލް މީޑިއާ ޕްލެޓްފޯމުތަކުންނެވެ. އެގޮތުން ފޭސްބުކް، ޓްވިޓާ، ޔޫޓިއުބުގެ އިތުރުން ޓިކްޓޮކް އިންވެސް ލައިވް ކުރާނެ އެވެ.
Ads by STO
