އަންނަ ހަފުތާ މޫސުން ގޯސް، މެޓުން އެދެނީ ދަތުރު ފެށުމުގެ ކުރިން މައުލޫމާތު ހޯދަން
ކުރިއަށް އޮތް ހަފުތާގައި ރާއްޖޭގެ މޫސުން ގޯސް ވާނެ ކަމަށް ލަފާކޮށް މޯލްޑިވްސް މީޓިއޮރޮލޮޖިކަލް ސާވިސް އިން ކަނޑުދަތުރުކުރާ ފަރާތްތަކުން ދަތުރު ފެށުމުގެ ކުރިން މޫސުމީ މައުލޫމާތު ހޯދުމަށް އިލްތިމާސްކޮށްފި އެވެ.
މެޓް އޮފީހުން މިއަދު މެންދުރުފަހު "އެކްސް" ގައި ކުރި ޕޯސްޓެއްގައި ބުނީ ފެށޭ ހަފުތާގެ އާދިއްތަ ދުވަހުން ފެށިގެން ކުރިއަށް އޮތް ފަސް ދުވަހު ރާއްޖެ ސަރަހައްދުގައި ހުޅަނގު މޫސުމުގެ ބާރު ގަދަވާނެ ކަމަށް ބެލެވޭ ކަމަށެވެ. ރާއްޖޭގެ ބޮޑު ބަޔަކަށް ގުގުރުމާ އެކު ވިއްސާރަކޮށް، ވިލާގަނޑުގައި ގަޑިއަކު 40 މޭލާއި 45 މޭލާ ދެމެދުގެ ބާރުމިނަށް ވައިގަދަވާނެ ކަމަށެވެ. އަދި ވިލާގަނޑުގައި ކަނޑުތައް ގަދަވާނެ ކަމަށް އެ އޮފީހުން ލަފާކުރެ އެވެ.
"ބޯކޮށް ވާރޭވެހި، ވިލާގަނޑުގައި ކަނޑުތައް ގަދަވާނެ ކަމަށް ލަފާކުރެވޭތީ، އެންމެހާ ފަރާތްތަކުން މޫސުމަށް ސަމާލު ވުމަށް އިލްތިމާސް ކުރަމެވެ،"
އެހެންކަމުން ކަނޑުދަތުރުކުރާ ފަރާތްތަކުން ދަތުރު ފެށުމުގެ ކުރިން އެންމެފަހުގެ މޫސުމީ މައުލޫމާތު ހޯދައިގެން ދަތުރު ކުރުމަށް މެޓް އޮފީހުން ވަނީ އެދިފަ އެވެ.
Temp mail Pretty! This has been a really wonderful post. Many thanks for providing these details.