މީހަކު ހައްޔަރުކުރުމުގެ ތެރޭގައި އަނިޔާވި މައްސަަލައެއް
ތ. ވޭމަންޑޫގައި މަސްތުވާތަކެތީގެ މައްސަލައެއްގައި މީހަކު ހައްޔަރު ކުރުމުގެ ތެރޭގައި ފުލުހުން އަނިޔާކުރި ކަމަށް ބުނާ މައްސަަލައެއް ހޫނުވެއްޖެ އެވެ.
އެ މީހާއަށް ފުުލުހުންގެ ފަރާތުން އަނިޔާ ލިބިފައިވާ ކަމަށް ބުނެ މިރޭ އެ ރަށު ޕޮލިސް ސްޓޭޝަން ސަރަހައްދަށް ބަޔަކު އެއްވެ އަޑު އުފުލަމުންދާ ވީޑިއޯއެއް ފޭސްބުކް ގައި ދަނީ ދައުރުވަމުންނެވެ.
އެއްވި މީހުން ބުނަނީ އަމުރަށް ނުކިޔަމަންތެރިވިޔަސް މީހަކަށް އަނިޔާކުރުމުގެ ހައްގެއް ފުލުހުންނަށް ލިބިގެންނުވާ ކަމަށެވެ.
"ތަޅާ އަނިޔާ ކުރެވޭނެ ގޮތެއް ނޯންނާނެ އަމުރަށް ނުކިޔަމަންތެރިވާ މީހެއްގެ ގައިގާވެސް. ތަޅާ އަނިޔާ އެއް ނުކުރެވޭނެ ކަލޭމެންނަކަށް."
އެ މީހުން ހުއްޓުވަން ފުލުހުން މަސައްކަތް ކުރި އެވެ. އެތަނަށް އެއްވި މީހަކު ބުނީ އަޑު އުފުލުމަކީ ގާނޫނީ ކުށަކަށް ނުވާއިރު އެ ހައްގު އެ މީހުންނަށްވެސް ލިބޭ ކަމަށެވެ.
އެހެން މީހަކު ބުނީ ތުހުމަތުކުރެވޭ މީހާ ޖިޕަށް އެރުވުމުގެ ތެރޭގައި ފުލުހުން އެމީހާ ކަރުގައި ހިފި ކަމަށެވެ. އެމީހާ އަނގަމަތީގައި ފުލުސް އޮފިސަރަކު ޖެހި ކަމަށްވެސް އެ މީހުން ތުހުމަތު ކުރެ އެވެ.
މައުލޫމާތު ލިބިފައިވާ ގޮތުން ފުލުހުންގެ ބެލުމުގެ ދަށަށް ގެންދިއުމުގެ ތެރޭގައި އެ މީހާގެ ނޭފަތަށް އަނިޔާވެފައިވެ އެވެ.
ނުކިޔަމަންތެރިކަން ދެއްކުމުން އަނިޔާ ލިބެނީއެވެ. މިކަމުން ދޭހަވަނީ ރައްޔިތުންނާ ގޭންގްތަކާ ގުޅުން އޮތްވަރެވެ.
ވޭމަންޑޫ މިއޮތީ ވަރަށް ބޮޑަށް ހަލާކުވެފަ