Saturday, 14 November 2026
Advertisement
Ooredoo — Airfibre (leaderboard)
ޚަބަރު

ހިޔާ ޓަވަރުގައި ލިފްޓް ހަރުކުރުމުގެ މަސައްކަތުގެ 23 އިންސައްތަ ނިމިއްޖެ 

ހިޔާ ޓަވަރުގައި ލިފްޓް ހަރުކުރުމުގެ މަސައްކަތުގެ 23 އިންސައްތަ ނިމިއްޖެ 
ހުޅުމާލޭ ދެވަނަ ފިޔަވަހީ ގައި ހުންނަ ހިޔާ ޓަވަރުތަކުގައި ލިފްޓް ހަރުކުރުމުގެ މަސައްކަތުގެ 23 އިންސައްތަ ނިމިއްޖެ ކަމަށް ހައުސިން ޑިވަލޮޕްމެންޓް ކޯޕަރޭޝަން (އެޗްޑީސީ) އިން މިއަދު ބުނެފި އެވެ. ބޮޑު އާބާދީއެއް ދިރިއުޅެމުންދާ ހިޔާގެ ކޮންމެ ޓަވަރެއްގައި އިތުރު ދެ ލިފްޓު ހަރުކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ. ރައީސްގެ ހަފްތާ-14 ގެ ތެރެއިން އެ މަސައްކަތް މިދިޔަ ޑިސެންބަރު މަހުގެ ތެރޭގައި ފަށައިގެން ކުރިއަށް އެބަދެ އެވެ. ލިފްޓުގެ އެންމެ ފަހުގެ މައުލޫމާތު ވީޑިއޯއެއް މެދުވެރިކޮށް އެޗްޑީސީގެ ރަސްމީ އެކައުންޓުން "އެކްސް" ގައި ކުރި ޕޯސްޓެއްގައި އެ ކުންފުނީގެ ޕަބްލިކް ރިލޭޝަންސްގެ އެސިސްޓެންޓް ޑިރެކްޓަރު, ހަސަން ޝަހީދު ވިދާޅުވީ އެ ލިފްޓްތަކަކީ 15 މީހުންގެ ޖާގައިގެ ލިފްޓްތަކެއް ކަމަށެވެ. އެ ލިފްޓުތަކުގައި ބަލިމީހުންގެ ސްޓެޗާއެރުވޭނެ ޖާގަ ހުންނާނެ ކަމަށް ޝަހީދު ވިދާޅުވި އެވެ. ލިފްޓްތަކުގެ ފްލޯ ނަންބަރުތައް 'ބްރެއިލްއިން އެންގްރޭވް ކުރެވިފައިވާ ކަމަށާއި އެކަމުގެ ސަބަބުން ލޮލުގެ ފެނުމުން މަހުރޫމްވެފައިވާ ފަރާތްތަކަށް އެހެން ފަރާތެއްގެ އެހީތެރިކަމާ ނުލާ ލިފްޓް ބޭނުންކުރެވޭނެ ކަމަށްވެސް ޝަހީދު ވިދާޅުވި އެވެ. އޭނާ ވިދާޅުވީ ހިޔާގެ 16 ޓަވަރުގެ ތެރެއިން 13 ޓަވަރެއްގައި މަސައްކަތް ކުރިއަށްދާ ކަމަށާއި ބާކީ ތިން ޓަވަރުގެ މަސައްކަތް ކުރިއަށް އޮތް ދެ ހަފްތާ ތެރޭގައި ފެށޭނެ ކަމަށެވެ.
"އިރާދަކުރެއްވިއްޔާ އަންނަ އަހަރުގެ ތެރޭގައި މި ޕްރޮޖެކްޓް އެއްކޮށް ނިމި, މި ލިފްޓްތައް ހިޔާ ޓަވަރުގައި ދިރިއުޅުއްވާ ރައްޔިތުންނަށް ބޭނުންކުރެވެން ފަށާނެ"
ލިފްޓު ހަރުކުމުގެ މަސައްކަތް އެޗްޑީސީން ހަވާލުކޮށްފައި ވަނީ ޗައިނާގެ ޝަންޔަންގް ޔުއާންޑާ އިންޓެލެކްޗުއަލް ގުރޫޕާ އެވެ. ހިޔާ ފްލެޓްތަކުގައި ގިނަ އަދަދެއްގެ ބަޔަކު ދިރިއުޅެމުންދާއިރު ލިފްޓްގެ ދަތިކަމަކީ އެ ރައްޔިތުންގެ ވަރަށް ބޮޑު ޝަކުވާ އެކެވެ. އެ މަސައްކަތް ނިމުމާއެކު އެކަމަށް ހައްލު ލިބިގެންދާނެކަން ފާހަގަކުރެވެ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.