Wednesday, 18 November 2026
Advertisement
STO — McCoy (leaderboard)
މުނިފޫހިފިލުވުން

"ކަމަނާ" ތާރީހުގެ ތެރެއަށް، ހުރިހާ ޝޯއެއް ހައުސްފުލް

"ކަމަނާ" ތާރީހުގެ ތެރެއަށް، ހުރިހާ ޝޯއެއް ހައުސްފުލް

މިހާރު އޮލިމްޕަސް ސިނަމާގައި ދައްކަމުންދާ ދިވެހި ފިލްމު "ކަމަނާ" ގެ ހުރިހާ ޝޯއެއް ހައުސްފުލްވެ އެ ފިލްމު ތާރީހުގައި ލިޔެވިއްޖެ އެވެ.

މިދިޔަ މަހުގެ 27 ގައި ރިލީޒްކުރި "ކަމަނާ" މިމަހު 14 އާއި ހަމައަށް އޮލިމްޕަހުގައި ދައްކާނެ އެވެ. 19 ޝޯވެސް ހައުސްފުލް އެވެ. މިހާރު މިފިލްމުގެ އެއްވެސް ޓިކެޓެއް ލިބޭކަށް ނެތެވެ.

މިއީ ކޮވިޑް-19 އަށްފަހު މިހާ ގިނަ އަދަދެއްގެ ޝޯ ހައުސްފުލްކުރި ފުރަތަމަ ފަހަރެވެ. 2021 ގެ ފަހުން ދިވެހި ފިލްމުތަކަށް އޮތް ތަރުހީބު ވަރަށް ބޮޑަށް ދަށަށް ދިޔަ އެވެ. ބައެއް ފިލްމުތަކުގެ ފަސް ޝޯވެސް ހައުސްފުލްކޮށް ދެއްކިފައި ނުވެ އެވެ.

Advertisement
Allied — Dhen Online (box)

"ކަމަނާ" އާއިއެކު ދިވެހި ފިލްމު އިންޑަސްޓްރީ އަލުން ދިރުނުއިރު މިފިލްމުން އެތައް ރެކޯޑުތަކެއް ވަނީ ގާއިމްކޮށްފަ އެވެ. އެގޮތުން ފިލްމެއް އެޅުވުމުގެ ކުރިން 14 ޝޯ ހައުސްފުލް ކުރި ފުރަތަމަ ފިލްމަކީ "ކަމަނާ" އެވެ.

ފިލްމުގެ ލީޑް ތަރިންގެ ގޮތުގައި ފެނިގެން ދަނީ މަރިޔަމް އައްޒަ އަދި ޔޫސުފް ޝަފީއު (ޔޫއްޕެ) އެވެ. މީގެ އިތުރުން މުހިންމު ތަރިންގެ ތެރޭގައި އާމިނަތު ރަޝްފާ (އާޝާ)، މުހައްމަދު މަނިކު، މުހައްމަދު ރަޝީދު (ދަރާބެ) ގެ އިތުރުން ނަތާޝާ ޖަލީލު ހިމެނެ އެވެ.

"ކަމަނާ" އަކީ ހަގީގީ ހާދިސާތަކެއްގެ މައްޗަށް ތައްޔާރުކޮށްފައިވާ ފިލްމެކެވެ. އެފިލްމުގައި ކިޔައިދެނީ ގެވެށި އަނިޔާ ތަހައްމަލު ކުރާ އަންހެނެއްގެ ވާހަކަ އެވެ. ފިލްމުގެ ވާހަކަ ލިޔުނީ އޭގެ މޭކަޕް އާޓިސްޓުގެ ދައުރުވެސް އަދާކުރި ރިޝްފާ އެވެ. ސްކްރީން ޕްލޭ ތައްޔާރު ކުރީ މަހުދީ އަހުމަދު އެވެ. ޑައިރެކްޓު ކުރީ ހުސައިން މުނައްވަރު އެވެ.

"ކަމަނާ" ގެ ޝޯތައް އަތޮޅުތެރޭގެ ރަށްތަކުގައިވެސް މިހާރު ދަނީ ދައްކަމުންނެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.