144 ބިޔަރު ދަޅާ އެކު ހުޅުމާލެ މަގުމަތިން ބިދޭސީއަކު އަތުލައިގެންފި
ހުޅުމާލޭގައި ހިންގި ބަނގުރަލުގެ އޮޕަރޭޝަނެއްގައި ބިދޭސީއަކު ހައްޔަރުކޮށްފި އެވެ.
ފުލުހުން މިއަދު ބުނީ އެ މީހާ އަތުލައިގަތީ ލިބުނު މައުލޫމާތަކާ ގުޅިގެން ރޭ ހިންގި އޮޕަރޭޝަނެއްގައި ހުޅުމާލެ ފުރަތަމަ ފިޔަވަހީގެ މިދިލިމަގުން ކަމަށެވެ.
އެ މީހާ ދުއްވި ކާރު ހުއްޓުވައި ބަލައިފާސްކުރިއިރު، 144 ދަޅު ބިޔަރާ އަދި ހަތަރު ފުޅި ބަނގުރާ ފެނިފައިވާ ކަމަށް ފުލުހުން ބުންޏެވެ.
Advertisement
އެ މައްސަލަ އާ ގުޅިގެން ހައްޔަރުކޮށްފައި ވަނީ އެމްޑީ ކާލޫ (26އ) އެވެ. މި މީހާއަކީ ބަންގްލަދޭޝް މީހެކެވެ.
ހުޅުމާލެ ޕޮލިސް ސްޓޭޝަނުން ގެންދަނީ އެ މައްސަލަ ތަހުގީގު ކުރަމުންނެވެ.
ކޮމެންޓް