ސޮރީ ބޯއީސް ކައިރިން އަނިޔާވެފައި އޮތް މީހަކު ފެނިގެން ފަރުވާދީފި

މަޖީދީ މަގުގައި ހުންނަ، ސޮރީ ބޯއީސް ކައިރިން އަނިޔާވެފައި އޮތް މީހަކު ފެނިގެން ފަރުވާ ދީފި އެވެ.

Ads by Sosun Fihaara

މީޑިއާތަކަށް މިއަދު ހެނދުނު ފޮނުވި މެސެޖެއްގައި ފުލުހުން ބުނީ އެ މީހާ ފެނުނީ މަޖީދީ މަގުގައި ހުންނަ "ސޮރީ ބޯއީސް" ފިހާރަ ކުރިމަތީ އޮތްވާ ކަމަށެވެ. އަނިޔާތަކަކާ އެ ތަނުގައި އެ މީހާ އޮތް ކަމުގެ ރިޕޯޓު އެ އިދާރާއަށް ލިބުނީ ރޭ މެންދަމު 1:25 ހާއިރު ކަމަށެވެ.

އަނިޔާތަކަކާ އެކު އޮތްވާ ފެނިފައި ވަނީ ދިވެހި ފިރެހެނެކެވެ. އެ މީހާއަށް ފަރުވާ ދިނުމަށް އައިޖީއެމްއެޗްއަށް ގެންދިޔަ ކަމަށާއި ފަރުވާ ދިނުމަށްފަހު މިއަދު ހެނދުނު 6:19 ހާއިރު ދޫކޮށްލާފައިވާ ކަމަށް ފުލުހުން ބުނެ އެވެ.

ފުލުހުން އަންނަނީ މި މައްސަލަ ތަހުގީގު ކުރަމުންނެވެ.