ގަވައިދާ ހިލާފަށް ރާއްޖޭގައި މަސްވެރިކަން ކުރި ލަންކާގެ އުޅަނދެއް ދައުލަތަށް ނަގަން ހުކުމްކޮށްފި
ގަވައިދާ ހިލާފަށް ރާއްޖޭގައި މަސްވެރިކަން ކުރި ލަންކާގެ އުޅަނދެއް ދައުލަތަށް ނަގަން ހުކުމްކޮށްފި އެވެ.
ގަވައިދާ ހިލާފަށް ސްރީ ލަންކާގެ އުޅަނދެއް ކަމަށްވާ "ޕުޝްޕާ ކުމަރަ" އިން ރާއްޖޭގައި މަސްވެރިކަން ކުރި މައްސަލަގައި ކުރި ޖޫރިމަނާއާ ގުޅިގެން އެ ފައިސާ ނުދައްކާތީ ފިޝަރީޒް މިނިސްޓްރީން ވަނީ އެ އުޅަނދުގެ ވެރިފަރާތް ތަމަންތާ ރުކުމަލް ޕެރޭރާގެ މައްސަލައާ ދެކޮޅަށް ވަނީ ސިވިލް ކޯޓުގައި ދައުވާކޮށްފަ އެވެ.
އެ މައްސަލައިގައި ސިވިލް ކޯޓުން މިދިޔަ ބުދަ ދުވަހު ތަމަންނާގެ ޣައިރު ހާޒިރުގައި ކުރި ހުކުމްގައި ވަނީ އޭނާގެ މައްޗަށް ކޮށްފައިވާ 400،000 ރުފިޔާގެ ޖޫރިމަނާ 30 ދުވަހުގެ ތެރޭގައި ދެއްކުމަށް އަންގައިފަ އެވެ.
އަދި އޭނާގެ އުޅަނދު ދައުލަތަށް ނެގުމަށް ވެސް ވަނީ ހުކުމްކޮށްފަ އެވެ.
ގަވައިދާ ހިލާފަށް ރާއްޖޭގެ ކަނޑުގެ ސަރަހައްދަށް ވަދެ މަސްވެރިކަން ކޮށްގެން އިންޑިއާއާއި ލަންކާގެ ބޯޓުތައް މީގެ ކުރިން ވެސް އަތުލައިގެންފައި ވެއެވެ.
އަދި ބައެއް ފަހަރު އިންޑިއާ ފަދަ ގައުމުތަކުގެ ޕްރެޝަރު ބޮޑުވެގެން އެ ބޯޓުތަކުގެ މީހުން ދޫކޮށްލައިފައި ވެސް ވެއެވެ.
