އައްސޭރިޖަލާއި ހަވާލުވެހުރި ޝާހީން ކޮރަޕްޝަންގެ ތުހުމަތުގައި ސަސްޕެންޑު ކޮށްފި
އައްސޭރި ޖަލާ ހަވާލުވެ ހުރި، ސުޕްރިޓެންޑެންޓް އޮފް ޕްރިޒަން މުހައްމަދު ޝާހީން، ކޮރަޕްޝަނުގެ ތުހުމަތުގައި ސަސްޕެންޑް ކޮށްފިއެވެ.
ޝާހީން ސަސްޕެންޑު ކޮށްފިކަން ކަރެކްޝަންސް ގެ މީޑިއާ އޮފިސަރު އާމިނަތު ޔުސްރީން އަހުމަދު ވެސް ވަނީ މީޑިއާތަކަށް ކަށަވަރު ކޮށްދީފައެވެ. ނަމަވެސް ސަސްޕެންޑު ކުރީ ކޮން މައްސަލައަކާއި ގުޅިގެން ކަމެއް ޔުސްރީން ހާމަ ކޮށްފައެއް ނުވެއެވެ.
އެނގިފައިވާ ގޮތުގައި ޝާހީން ސަސްޕެންޑު ކޮށްފައިވަނީ މި އަހަރުގެ ޕީއެސްއައިޕީ ޕްރޮޖެކްޓްގެ ތެރޭގައި ހިމެނޭ އައްސޭރި ޖަލުގެ ވަށާފާރާއި ރިހެބިލިޓޭޝަން އިންފްރާސްޓްރަކްޗަރ ޕްރޮޖެކްޓްގެ ތެރެއިން ކަމާ ނުގުޅޭ ގުދަނެއް ،ހުއްދަނެތި އެޅުމުގެ މަސައްކަތް ކޮށްފައިވާތީ އާއި ޕްރިސް ވޯޓަރ އިން ބަލަހައްޓަމުންދާ ޕްލާންޓް ގެއާއި އިންވެގެން އެކްސްޓެންޝަން މަސައްކަތެއް ހުއްދަ ހޯދުމެއް ނެތި ކުރަމުންދާ ކަމުގެ މައްސަލައެއްގައެވެ.
އޮންލައިން ނޫސް "ފެށުން" ގައި ބުނެފައިވަނީ މުހައްމަދު ޝާހީން ސަސްޕެންޑް ކޮށްފައިވަނީ އޭނާއާއިމެދު ތުހުމަތުކުރެވޭ ކޮރަޕްޝަނުގެ މައްސަލަ މިވަގުތު ތަހުގީގު ކުރެވެމުންދާތީ ކަމަށް އެނޫހާއި ވާހަކަދެއްކި މީހަކު މައުލޫމާތު ދީފައިވާ ކަމަށެވެ.
Ads by STO
