އާ ފިއުލްފާމް އާއި ފިއުލް ހައިޑްރެންޓް ސިސްޓަމްއާއެކު އެއާލަންތައް ދަތުރުކުރާވަރު ގިނަވާނެ: އެމްއޭސީއެލް
މިއަދު ވެލާނާ އިންޓަނޭޝަނަލް އެއާޕޯޓުގައި އިފްތިތާހުކުރި އާ ފިއުލްފާމް އާއި ފިއުލް ހައިޑްރެންޓް ސިސްޓަމްއާއެކު އެއާލަންތައް ދަތުރުކުރާވަރު ގިނަވާނެ ކަމަށް މޯލްޑިވްސް އެއާޕޯޓްސް ލިމިޓެޑް ކޮމްޕެނީ ލިމިޓެޑް(އެމްއޭސީއެލް)ގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ވިދާޅުވެއްޖެ އެވެ.
މިއަދުގެ ރަސްމިއްޔާތުގައި ޝަރީފް ވިދާޅުވީ ވީއައިއޭގެ އައު ފިއުލް ފާމް އާއި ފިއުލް ހައިޑްރަންޓް ސިސްޓަމްއާއެކު އެ އެއާޕޯޓަށް އިންގިލާބީ ބަދަލުތަކެއް ގެންނާނެ ކަމަށެވެ.
އަދި އެއާޕޯޓްގައި ގާއިމުކުރި ހައިޑްރަންޓް ސިސްޓަމްގެ ނިޒާމަށް އިޝާރާތްކުރައްވައި ޝަރީފް ވިދާޅުވީ އެއީ ކުޑަކުޑަ ނިޒާމެއް ކަމަށް ހީވެދާނެ ކަމަށެވެ.
އެހެންނަމަވެސް އެ ސިސްޓަމްއާއެކު 8.4 ކިލޯމީޓަރުގެ ލައިންސް އޭޕްރަންއެކި އެކި ދިމާލުގައި އެޅި ޕްރެޝަރައިޒް ކުރެވިފައިވާ ކަމަށް ވިދާޅުވި އެވެ.
އަދި ކުރީގެ ސިސްޓަމް ބޭނުންކޮށްގެން ބްރިޓިޝް އެއާވޭޒްގެ ބޯޓަކަށް ދޮޅު ގަޑިއިރުންވެސް ތެޔޮ އަޅާ ނުނިންމޭ ކަމަށާއި ނަމަވެސް އާ ސިސްޓަމްއާއެކު ތެޔޮ އަޅަން ދާ ވަގުތުގެ ތެރެއިން 45 މިނެޓާއި އެއްގަޑިއިރު ސަލާމަތްކުރެވޭނެ ކަމަށެވެ.
"އޭގެ މާނައަކީ ގްރައުންޑްގައި ބޯޓެއް އޮންނަ ވަގުތު ކުޑަކުރުމަކީ އޭގެ ޕްރޮޑަކްޓިވިޓީ އަދި އުދުހުމަށް ކުރާ ހަރަދުތައް ދަށްވެ މިތަނަށް އެއާލައިންތައް އައުމަށް ލިބޭނެ ހިތްވަރަކަށް ވާނެ" އެމްއޭސީއެލްގެ އެމްޑީ ޝަރީފް ވިދާޅުވި އެވެ.
