ހިޔާފްލެޓުގައި ގްރޫޕަކުން ރަހީނުކުރި މީހަކު ސަލާމަތްކޮށްފި
ހުޅުމާލޭ ހިޔާ ފްލެޓުގައި ގޭންގަކުން ދިވެއްސަކު ރަހީނުކޮށްފި އެވެ.
މީޑިއާތަކަށް މިރޭ ފޮނުވި މެސެޖެއްގައި ފުލުުހުން ބުނީ އެ މައްސަލަ ބަލަމުންދާ ކަމަށެވެ.
މި ނޫހަށް އެނގިފައިވާ ގޮތުން އެކަމެއް ހިނގައިގެން އުޅެނީ އެޗް-9 ޓަވަރުގެ 20 ވަނަ ފަންގިފިލާގެ 11 ވަނަ އެޕާޓްމަންޓްގަ އެވެ. ރަހީނުކުރި މީހުން އުޅުނީ އެ މީހާގެ އިނގލި ބުރިކޮށްލަން ކަމަށް އެ ސަރަހައްދުގައި ހަރަކާތްތެރިވި ނޫސްވެރިންނަށް ފުލުހުން މައުލޫމާތު ދީފައިވެ އެވެ.
އެ މީހާ ރަހީނުކުރި މައްސަލާގައި 12 ފިރިހެނަކު ފުލުހުންގެ ބެލުމުގެ ދަށަށް ވަނީ ގެންގޮސްފަ އެވެ.
މިރޭ ހިނގި ހާދިސާއާ ގުޅޭ ގޮތުން "ސަންގު" ޓީވީއާ ވާހަކަ ދައްކަވަމުން ހޯމްލޭންޑް އެންޑް ސެކިއުރިޓީ މިނިސްޓަރު އަލީ އިހުސާން ވިދާޅުވީ މިރޭ އިރާކޮޅު ފުލުހުންނަށް ލިބުނު އިންޓެލިޖެންސް މައުލޫމާތަކާއި ގުޅިގެން ހިންގި އޮޕަރޭޝަންގައި ރަހީނުކުރި ދިވެއްސަކު ސަލާމަތްކޮށްފައިވާ ކަމަށެވެ. އެ އޮޕަރޭޝަންގައި ފުލުހުން ދެއްކި ހުޝިޔާރު ކަމަށް މިނިސްޓަރު ވަނީ ޝުކުރު އަދާކޮށްފަ އެވެ.
Ads by STO
