ގެއްލުނު ކުއްޖާ ފެނުނީ، ފްލެޓެއްގައި ބަންދުވެފައި ހުއްޓާ

ފުވައްމުލަކު ސިޓީން ގެއްލިގެން ހޯދަމުން ދިޔަ 4 އަހަރުގެ ފިރިހެން ކުއްޖާ ފެނިއްޖެ އެވެ.

Ads by STELCO

ގެއްލިގެން ހޯދަމުން ދިޔައީ އެ ރަށު، މިސްކިތް މަގު، މާކޯނި، އިޒްޔާން ހުޝާމް މުހައްމަދު އެވެ.

މިއަދު ހަވީރު 16:45 އެހައިކަންހާއިރުން ގެއްލިގެން ހޯދަމުންދިޔަ ކުއްޖާ މިހާރު ފެނިފައިވާ ކަމަށާއި އެ ކުއްޖާގެ ހާލު ރަނގަޅު ކަމަށް މީޑިއާތަކަށް ފޮނުވި މެސެޖެއްގައި ފުލުހުން ވަނީ ބުނެފަ އެވެ.

ފުވައްމުލަކު ސިޓީ ކައުންސިލަރަކު "ދެން" އަށް ވިދާޅުވީ އެ ކުއްޖާ ފެނުނީ އެ ރަށު ދިގުވާޑު ފުލެޓެއްގެ ތެރޭގައި ބަންދުވެފައި ހުއްޓާ ކަމަށެވެ.

"އޭނާ ހުރީ ފްލެޓް ތެރޭ ތަޅުލެވިފައި" ކައުންސިލަރު ވިދާޅުވި އެވެ. އެ ކުއްޖާ ފްލެޓުން ނެރުމުގެ މަސައްކަތް ދަނީ ކުރަމުންނެވެ.