Tuesday, 17 November 2026
Advertisement
Ooredoo — Airfibre (leaderboard)
ޚަބަރު

އެޑްވާންސްގެ ގޮތުގައި ކުންފުންޏަށް ފައިސާ ލިބުނީ އުސޫލާ އެއްގޮތަށް: އަލީ ހަމީދު

އެޑްވާންސްގެ ގޮތުގައި ކުންފުންޏަށް ފައިސާ ލިބުނީ އުސޫލާ އެއްގޮތަށް: އަލީ ހަމީދު
ހުޅުމާލޭގައި އާސަންދަ ކުންފުނީގެ މަލްޓިޕާޕަސް އިމާރާތެއް އަޅަން ހަވާލުކުރި ކުންފުނި، ނޯތް ކޯސްޓް ކޮންސްޓްރަކްޝަނަށް ލިބިފައިވަނީ އާސަންދައާއެކު ވެވުނު އެއްބަސްވުމުގެ ދަށުން ލިބެންޖެހޭ އެޑްވާންސް ފައިސާ ކަމަށް އެ ކުންފުނިން މިއަދު ބުނެފި އެވެ. އާސަންދަ ކުންފުނިން ޕްރައިވެޓް ރޫމްތަކާއި އޮޑިޓޯރިއަމެއް ވެސް ހިމެނޭ ގޮތަށް 6 ފްލޯގެ މަލްޓިޕާޕަސް އޮފީސް އިމާރާތެއް އެޅުމަށް ރައްޔިތުން މަޖިލީހުގެ އިސްދޫ ދާއިރާގެ ކުރީގެ މެމްބަރު އަލީ ހަމީދުގެ ކުންފުނި، ނޯތް ކޯސްޓާއި ހަވާލު ކޮށްފައިވަނީ 2016 ވަނަ އަހަރު އެވެ. ޕްރޮޖެކްޓް ހަވާލުކުރި ނަމަވެސް، މަސައްކަތް ކުރިއަށް ކުރިއަށް ނުގެންދަނިސް އެ ކުންފުންޏަށް، މިދިޔަ ސަރުކާރުގައި އެޑްވާންސަށް 44 މިލިއަން ރުފިޔާ ދިން މައްސަލައެއް މިއަހަރުގެ ޖުލައި މަހު ވަނީ ފެންމަތިވެފަ އެވެ. އެ މައްސަލައާއި ގުޅިގެން މަޖިލީހުގެ މާލިއްޔަތު ކޮމިޓީއަށް މިއަދު ހަމީދު އަދި އާސަންދަ ކުންފުނީގެ ވެރިން ހާޒިރުކޮށް ސުވާލުކޮށްފައިވެ އެވެ. މައްސަލައާ ގުޅިގެން ކޮމިޓީގެ މެމްބަރުން ސުވާލު ކުރުމުން ހަމީދު ވިދާޅުވީ، ކުންފުންޏަށް ލިބިފައިވާ ފައިސާއަކީ، އާސަންދައާއެކު ހެދުނު އެއްބަސްވުމުގެ ދަށުން ލިބެންޖެހޭ އެޑްވާންސް ފައިސާ ކަމަށެވެ.
"މިހާރު ހެދިފައިވާ ސެޓްލެމްޓް އެގްރީމެންޓްގެ ތެރެއިން އަޅުގަނޑުމެންނަށް ދޫކުރަންޖެހެނީ 30 އިންސައްތައިގެ އެޑްވާންސް ޕޭމެންޓެއް. އެ ފައިސާ ދޫކޮށްފައިވަނީ ސީދާ އެގްރީމެންޓުގައި ހުރި ހުރިހާ ސްޓެޕްތައް އިދާރީގޮތުން ފުރިހަމަ ކުރުމަށް ފަހު، ގާނޫނާ އެއްގޮތަށް،" ހަމީދު ވިދާޅުވި އެވެ.
ހަމީދު ވިދާޅުވީ، އެ ފައިސާ ލިބިފައިވަނީ އިމާރާތް އަޅަންވީ ތަނުގެ ބިން ކުންފުންޏާއި ހަވާލުކުރުމަށް ފަހު ކަމަށެވެ. އަދި އެ ފައިސާ އާސަންދައިން ދޫކުރީ، އެ ފައިސާއަށް ބަހައްޓަންޖެހޭ ހުރިހާ ސެކިއުރިޓީސްގެ ގޮތުގައި މުދަލާއި ފައިސާ ބެހެއްޓުމުން ކަމަށެވެ. ކޮމިޓީގައި އާސަންދަ ކުންފުނީގެ މެނޭޖިންގް ޑިރެކްޓާ އައިމިނަތު ޒީނިއާ ވަނީ އެ ޕްރޮޖެކްޓްގެ މަސައްކަތް ތާވަލާ އެއްގޮތަށް ކުރިއަށް ނުދާތީ، އެކަމާ ކަންބޮޑުން ފާޅުކޮށްފަ އެވެ. އެއަށް ރައްދު ދެއްވާ ހަމީދު ވިދާޅުވީ، ގަސްތުގައި ޕްރޮޖެކްޓް މަސައްކަތް ލަސްކުރުމުގެ ނިޔަތެއް އެ ކުންފުނީގެ ނެތް ކަމަށެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.