މާފަންނު ގެއެއްގައި ހުރި ގުދަނެއްގައި ރޯވެއްޖެ

މާލެ، މާފަންނު ގެއެއްގައި ހުރި ގުދަނެއްގައި އަލިފާން ރޯވެއްޖެ އެވެ.

Ads by Sosun Fihaara

އެމްއެންޑީއެފްއިން ބުނީ ރޯވީ ނިޔަނދުރުމާގޭގެ 10 ވަނަ ފަންގިފިލާގައި ހުރި ގުދަނެއްގައި ކަމަށެވެ.

އަދި އެ ގުދަނުގައި އަލިފާން ރޯވިކަމުގެ ރިޕޯޓު މިއަދު 17:55 ހާއިރު، އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާއެކު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފެށިކަމަށް އެމްއެންޑީއެފްއިން ބުނެފައި ވެއެވެ.

އަދި ފަޔާ ފައިޓަރުން ކުރި މަސައްކަތުން އެ ގުދަނުގައި ރޯވި އަލިފާން މިރޭ 19:45 ހާއިރު ނިއްވާލިކަމަށް ވެސް ބުނެފައި ވެއެވެ.

އެ ހާދިސާގައި އެއްވެސް މީހަކަށް އަނިޔާވިކަން އެނގިފައިނުވާ ކަމަށް އެމްއެންޑީއެފްއިން ބުނެފައި ވެއެވެ.