ފައިސާ ނުދީގެން މަންމަ އާއި ކޮއްކޮ އަށް ވަޅިން ހަމަލާދޭނެ ކަމަށް ބުނެ އިންޒާރު ދީފި

ފައިސާ ނުދީގެން މަންމަ އާއި ކޮއްކޮ އަށް ވަޅިން ހަމަލާދޭނެ ކަމަށް ބުނެ އިންޒާރު ދިން މައްސަލާގައި މީހަކު ހައްޔަރުކޮށްފި އެވެ.

Ads by Sosun Fihaara

ކްރިމިނަލް ކޯޓުން މިއަދު އާއްމުކުރި ކޯޓު އަމުރުގައިވާ ގޮތުން އެ މައްސަލާގައި ހައްޔަރު ކުރީ ވ. ހުވަފެން، މުހައްމަދު ޝަފީގް (32އ) އެވެ.

ކޯޓު އަމުރުގައި ބުނީ ފައިސާ ނުދީގެން މަންމަ އާއި ކޮއްކޮ އަށް ވަޅިން ހަމަލާދޭނެ ކަމުގެ އިންޒާރު އޭނާ ދީފައިވާ ކަމަށެވެ. އަދި އޭނާ ދިރިއުޅޭ ކޮޓަރިން 2 ވަޅި ފެނިފައިވާ ކަމަށެވެ.

މުޖުތަމައު އަށް ނުރައްކާ އޮތަތީވެ އެ މީހާގެ ބަންދަށް ކްރިމިނަލް ކޯޓުން 7 ދުވަސް ޖަހާފައިވެ އެވެ.