Tuesday, 17 November 2026
Advertisement
HDC — Share-Below (leaderboard)
ސަރުކާރު

ސަރުކާރުތަކުން ފަށާފައިވާ މަޝްރޫއުތައް ނިންމައިދޭނަން: ނައިބު ރައީސް

ސަރުކާރުތަކުން ފަށާފައިވާ މަޝްރޫއުތައް ނިންމައިދޭނަން: ނައިބު ރައީސް

ކޮންމެ ސަރުކާރަކުން ފެށި މަޝްރޫއެއް ކަމުގައި ވިނަމަވެސް، އެ މަޝްރޫއަކަށް އިހުތިރާމް ކުރާނެ ކަމަށާ އަދި މި ސަރުކާރުން އެ މަޝްރޫއުތައް ނިންމައިދޭނެ ކަމުގެ ޔަގީންކަން ރައީސުލްޖުމްހޫރިއްޔާގެ ނައިބު ހުސައިން މުހައްމަދު ލަތީފް ދެއްވައިފި އެވެ.

އއ. އުކުޅަހުގެ ފުޓުބޯޅަ ދަނޑު ހުޅުވައިދެއްވުމަށްފަހު ނައިބު ރައީސް ވިދާޅުވީ އުކުޅަހުގައި ހުޅުވި ދަނޑަކީ މަޝްރޫއުތައް ނިންމާނެ ކަމުގެ ނަމޫނާއެއް ކަމަށެވެ. އުކުޅަސް ފަދައިން ނުނިމި ހުރި ހުރިހާ ދަނޑުތަކެއް ސަރުކާރުން ހުޅުވާނެ ކަމަށެވެ.

އެމަނިކުފާނު ވިދާޅުވީ ޒުވާނުންނަކީ ގައުމުގެ ހަކަތަ ކަމަށާ އަދި ޒުވާނުން، ޒުވާނުންގެ ގޮތުގައި މި ސަރުކާރުން ބަލައިގަންނާނެ ކަމަށެވެ. އަދި އެ ހަކަތައިގައި ވަރު ނެތް ކަމުގައިވާ ނަމަ ދިވެހި ގައުމު ނުހިނގާނޭކަން ފާހަގަކުރެއްވި އެވެ.

Advertisement
Ooredoo — Square (box)

އެހެންކަމުން ޒުވާނުންގެ އަޑު އަހައިގެން، ޒުވާނުންނަށް ހުރި ކަންކަން ފުރިހަމަކޮށްދިނުމަށް މި ސަރުކާރުން އަހައްމިއްޔަތުކަން ދޭނެ ކަމަށް ނައިބު ރައީސް ވިދާޅުވި އެވެ.

އުކުޅަހުގެ ފުޓްބޯޅަ ދަނޑު ހުޅުއްވައިދެއްވުމުގެ ގޮތުން ނައިބު ރައީސް ވަނީ ދަނޑުގެ ސްޓޭޖު ކުރިމަތީގައި ދަމާފައިވާ ރިބަންފަށް ކަނޑުއްވާލައްވާފަ އެވެ. އަދި ދަނޑު ހުޅުވުމުގެ މުނާސަބަތުގައި ކުޅުނު މެޗުގައި ބޭނުންކުރި ބޯޅައިގައި ސޮއި ވެސް ކުރެއްވި އެވެ.

އެ ދަނޑު ހުޅުވުމުގެ މުނާސަބަތުގައި ކުޅުނު މެޗުގައި ވާދަކުރީ، ރާއްޖޭގެ ގައުމީ ޓީމުގެ ކުރީގެ ކުޅުންތެރިންގެ މައްޗަށް އެކުލަވާލާފައިވާ ލެޖެންޑުންގެ ޓީމަކާއި، އުކުޅަހު ޒުވާނުންގެ ޓީމެކެވެ.

ރާއްޖޭގައި ފުޓުބޯޅައިގެ ރޫހު ދިރުވާ އާލާކޮށް، ކުޅިވަރުގެ ދާއިރާއިން ރާއްޖެއަށް ތަރައްގީ ގެނައުމަކީ މި ސަރުކާރުގެ މުހިންމު އަމާޒެކެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.