ހުރަސް އަޅައިފިނަމަ މަގުމަތީގައި ވެސް ޖަލްސާ ބާއްވާނަން: ފައްޔާޒް
އެމްޑީޕީން މާދަމާ ރޭ ބާއްވާ ޖަލްސާއަށް ސަރުކާރުން ހުރަސް އަޅައިފިނަމަ މަގުމަތީގައި ވެސް އެ ޖަލްސާ ބާއްވާނެ ކަމަށް އެ ޕާޓީގެ ޗެއާޕާސަން ފައްޔާޒް އިސްމާއިލް މިއަދު ވިދާޅުވެއްޖެ އެވެ،
"ގާނޫނުއަސާސީގެ ދިފާއުގައި" އެމްޑީޕީން އެ ޖަލްސާ ބާއްވަން ނިންމާފައިވަނީ ކާނިވަލުގަ އެވެ.
އެ ޖަލްސާއާ ގުޅޭ ގޮތުން ނޫސްވެރިންނަށް މައުލޫމާތު ދެއްވަމުން ފައްޔާޒް ވިދާޅުވީ ޖަލްސާ ބާއްވަން ހުރަސް އަޅަން ސަރުކާރަށް ނުކުރޭނެ ކަމަށެވެ.
އަދި އެކަމުގައި ސަތޭކަ ޕަސެންޓް ޔަގީންކަން އެބައޮތް ކަމަށް ވެސް ފައްޔާޒް ވިދާޅުވި އެވެ.
"ދެން މިސާލަކަށް [ޖަލްސާ ބާއްވަން ހުރަސް] އެޅިއްޔޯ. މަގުމަތީގައި އަޅުގަނޑުމެން ޖަލްސާ ބާއްވާނީ، އެއްވެސް ޝައްކެއް އޮތް ކަމެއް ނޫން އެއީ.، އަޅުގަނޑުމެން ގާނޫނީ އިމުން މި ކުރަން އުޅޭ ކަންކަމަށް ގާނޫނާ ހިލާފަށް އެއްވެސް ބަޔަކު ހުރަސް އަޅައިފިކަމުގައިވާ ނަމަ އަޅުގަނޑުމެންނަށް އެބައޮތް މަގުމަތީގައި އުޅެވެން މިހާރު ގާނޫނު އަސާސީގައި އޮތްގޮތުން. އަޅުގަނޑުމެން މަގުމައްޗަށް ނެރެން ބޭނުން ކަމަށް ވިއްޔާމު އެހެން ނަހައްދަވާ ހަމަ އަޅުގަނޑުމެން ކައިރީގައި ވެސް ހަމަ ވިދާޅުވަންވީ މަގު މައްޗަށް ނުކުންނާށޭ. އަޅުގަނ ޑުމެން ނުކުންނާނަން" ފައްޔާޒް ވިދާޅުވި އެވެ.
އޭނާ ވިދާޅުވީ އެމްޑީޕީ އަކީ އަބަދުވެސް ވަކި ރޭވުންތަކަކާއެކު ވަކި އުސޫލެއްގެ ތެރެއިން ސިޔާސީ ކަންކަން ރާވަމުންދާ ބައެއް ކަމަށެވެ.
ފައްޔާޒް ވިދާޅުވީ މިހާރު ސަރުކާރަށް އެއް އަހަރު ދެވިއްޖެ ކަމަށާއި އަދި ސަރުކާރުގެ ގޯސް ވާހަކަތައް ވެސް މިހާރު އެކި ތަންތަނުގައި ބުނަމުންދާ ކަމަށެވެ.
އަދި މިހާރު އަޑު ބާރުކޮށްލަން ޖެހިއްޖެ ކަމަށާއި އަދި ޖަލްސާ ބާއްވަނީ އެ ސަބަބާ ހުރެ ކަމަށް ވެސް އޭނާ ވިދާޅުވި އެވެ.
މަގުމައްޗަށް ނުކުމެ ގައުމު ހަލަބޮލިކޮށްގެން ވެރިކަމަށް އާދެވެނެކަމަށް ދުށުމީ މޮޔަކަމެއް. ނަމަކަށް ނޫނޭ މިހުން ބުނަނީ އެމްޑީޕީ ގަދައީ މަގުމައްޗަށޭ. ވެރިކަމެއް ކުރާނެ އުރަތްޕެއް ނެތޭ.