Saturday, 14 November 2026
Advertisement
Ooredoo — Article-Top (leaderboard)
ސަރުކާރު

އިންވެސްޓްމެންޓްތަކަށް ހުރި ފުރުސަތުތަކާ ގުޅޭގޮތުން އޮމާނާ އެކު މަޝްވަރާކޮށްފި

އިންވެސްޓްމެންޓްތަކަށް ހުރި ފުރުސަތުތަކާ ގުޅޭގޮތުން އޮމާނާ އެކު މަޝްވަރާކޮށްފި

ފޮރިން މިނިސްޓަރު ޑރ. އަބްދުﷲ ހަލީލް، އޮމާންގެ ފިނޭންސް މިނިސްޓަރު ސުލްތާން ބިން ސާލިމް ބިން ސައީދު އަލް ހަބްސީ އާ ބައްދަލުކުރައްވައި، އިންވެސްޓްމެންޓްތަކުގެ ފުރުސަތުތަކާ ގުޅޭގޮތުން މަޝްވަރާ ކުރައްވައިފި އެވެ.

ހަލީލް އޮމާނަށް ވަޑައިގެންނެވީ އޮމާންގެ ފޮރިން މިނިސްޓަރު ސައްޔިދު ބަދުރު ބިން ހަމަދު ބިން ހަމޫދު އަލްބުސައީދީގެ ދައުވަތަކަށެވެ.

ފޮރިން މިނިސްޓްރީން މިއަދު "އެކްސް" ގައި ކުރި ޕޯސްޓެއްގައި ބުނީ، ހަލީލް އޮމާންގެ ފިނޭންސް މިނިސްޓަރާ ބައްދަލު ކުރައްވާފައިވާ ކަމަށެވެ. އެ ބައްދަލުވުމުގައި ދެ ބޭފުޅުން ވެސް ވަނީ އިންވެސްޓްމަންޓްގެ ފުރުސަތުތަކާ އަދި ތަރައްގީގެ ސިޔާސަތުތަކާ ގުޅޭގޮތުން މަޝްވަރާކުރައްވާފައި ކަމަށެވެ.

Advertisement
Ooredoo — Square (box)

އަދި ރާއްޖެ އާއި އޮމާން އާ ދެމެދު އޮންނަ ގުޅުން ބަދަހި ކުރެވޭނެ ގޮތްތަކާ ބެހޭގޮތުން މަޝްވަރާ ކުރައްވާފައިވާ ކަމަށް ވެސް ފޮރިން މިނިސްޓްރީން ބުންޏެވެ.

މިނިސްޓްރީން އިއްޔެ ބުނެފައިވަނީ ހަލީލް އޮމާނަށް ކުރައްވާ 3 ދުވަހުގެ ރަސްމީ ދަތުރުގައި، އޮމާނުގެ ފޮރިން މިނިސްޓަރާ ބައްދަލުކުރައްވައި، ދެ ގައުމުގެ ދެމެދުގައި އޮންނަ ޒަމާންވީ ގުޅުން އިތުރަށް ބަދަހިކުރެވޭނެ ގޮތްތަކާ މެދު މަޝްވަރާ ކުރެއްވުމަށް ހަމަޖެހިފައިވާ ކަމަށެވެ.

އަދި ތަފާތު ދާއިރާތަކުން ގުޅުން ބަދަހިކުރުމުގެ ފުރުސަތުތައް ހޯއްދެވުމަށް އޮމާން ސަރުކާރުގެ އިސްވެރިންނާ މިނިސްޓަރު ބައްދަލުކުރެއްވުމަށް ހަމަޖެހިފައިވާ ކަމަށް ވެސް ފާހަގަކޮށްފައިވެ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.