Tuesday, 17 November 2026
Advertisement
STO — McCoy (leaderboard)
ޚަބަރު

އަލިފާނުގެ ހާދިސާއާ ގުޅިގެން ސިފައިންނާ ފުލުހުން ކޮމިޓީއަށް ހާޒިރު ކުރަނީ

އަލިފާނުގެ ހާދިސާއާ ގުޅިގެން ސިފައިންނާ ފުލުހުން ކޮމިޓީއަށް ހާޒިރު ކުރަނީ

ސަރުކާރުގެ 3 މިނިސްޓްރީއެއް ހިންގާ އިމާރާތްތަކުގައި އަލިފާން ރޯވި ހާދިސާއާ ގުޅިގެން މައުލޫމާތު ސާފުކުރުމަށް ސިފައިންނާއި ފުލުހުން ރައްޔިތުން މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އަށް ހާޒިރުކުރަން ނިންމައިފި އެވެ.

އެ ތިން މިނސްޓްރީގައި ބުރާސްފަތި ދުވަހު ހެނދުނު ރޯވި އަލިފާނުގައި ބޭނުން ނުކުރެވޭ ވަރަށް ވަނީ އަނދައިފަ އެވެ.

އަލިފާނުގެ ހާދިސާއާ ގުޅިގެން ކަމާ ގުޅުންހުރި ފަރާތްތަކާ ބައްދަލުކޮށް މައުލޫމާތު ސާފުކުރުމަށް ކޮމިޓީގެ ބައްދަލުވުމެއް ބާއްވަން އެ ކޮމިޓީގެ މުގައްރިރު ނިންމާފަ އޭދަފުށި ދާއިރާގެ ޕީއެންސީ މެންބަރު އަހުމަދު ސަލީމް(ރެޑް ވޭވްް) އެވެ. އެ ބައްދަލުވުން ތަވާލުކުރީ ބުރާސްފަތި ދުވަހުގެ ހެނދުނު 10 އަށެވެ.

Advertisement
Allied — Dhen Online (box)

އެ ކޮމިޓީއިން އަލިފާނުގެ މައްސަލަ ބަލަން ނިންމާފައިވާއިރު، އެ ހާދިސާގެ ޖިނާއި ތަހުގީގެއް ހިންގައި ދިނުމަށް އެދި ފުލުހަށް ހުށަހަޅަން އިދިކޮޅު މައި ޕާޓީ، އެމްޑީޕީން ވަނީ ނިންމާފަ އެވެ.

އެމްޑީޕީން މިއަދު ބޭއްވި ޕްރެސް ބްރީފިންގައި އެ ޕާޓީގެ ލީގަލް ޑިރެކްޓަރު މަހްފޫޒް ސައީދު ވިދާޅުވީ، ހާދިސާގެ މިނިވަން ތަހުގީގެއް ހިންގަން ޖެހޭ ކަމަށް ގަބޫލުކުރެވޭތީ އެމްޑީޕީން އެކަން ހުށަހަޅާނެ ކަމަށެވެ.

އަދި އަލިފާން ނިއްވާލުމުގައި އިހުމާލުވެފައިވާ ކަމަށް ތުހުމަތުކޮށް އެ މައްސަލަ ވަކި މައްސަަލައެއްގެ ގޮތުގައި ނޭޝަނަލް އިންޓެގްރިޓީ ކޮމިޝަނަށް (އެންއައިސީ) އަށް ހުށަހަޅާނެ ކަމަށް ވެސް މަހްފޫޒް ވިދާޅުވި އެވެ.

އަލިފާނުގެ ހާދިސާ ތަހުގީގުކުރުމަށް ބޭރުގެ ޓީމެއް ރާއްޖެއައުމަށް ހަމަޖެހިފައިވާ ކަމަށް ފުލުހުން މައުލޫމާތުދެ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.