ތޮއްޑޫއަށް މަސްތުވާތަކެތި އެތެރެ ކުރަން އުޅުނު މީހަކު މަސްތުވާތަކެއްޗާއެކު ހައްޔަރުކޮށްފި
އއ.ތޮއްޑޫއަށް މަސްތުވާތަކެތި އެތެރެކުރަން އުޅުނު މީހަކު މަސްތުވާތަކެއްޗާއެކު ހައްޔަރު ކޮށްފިއެވެ.
ފުލުުހުން ބުނީ މަސްތުވާތަކެއްޗާ ދެކޮޅަށް ފުލުހުން ކުރަމުން އަންނަ މަސައްކަތުގެ ތެރެއިން އއ.ރަސްދޫ ޕޮލިސް ސްޓޭޝަނުގައި ހިންގި އޮޕަރޭޝަނެއްގައި، ތޮއްޑޫއަށް އެތެރެ ކުރަން އުޅުނު މަސްތުވާތަކެއްޗާއެކު މީހަކު ހައްޔަރު ކޮށްފައިވާ ކަމަށެވެ.
އަދި ހަމައެހެންމެ މި މައްސަލައާ ގުޅިގެން ހައްޔަރުކޮށްފައިވަނީ 32 އަަހަރުގެ ފިރިހެނެއް ކަމަށްވެސް ފުލުހުން ބުނެފައިވެއެވެ. އެމީހާ ހައްޔަރުކޮށްފައިވަނީ މަސްތުވާ ތަކެތި އެތެރެކޮށް ވިއްކާ ވިޔަފާރިކުރާ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި ކަމަށްވެސް ފުލުހުން މައުލޫމާތު ދެއެވެ. އަދި މި އޮޕަރޭޝަން ހިންގައިފައި ވަނީ ރޭ 01:15 އެހާކަށްހާއިރު އއ.ތޮއްޑޫ ބަނދަރުމަތިން ކަމުގައިވެސް ފުލުހުން ބުނެއެވެ.
އެމީހާ ހައްޔަރުކޮށް އޭނާގެ ހަށިގަނޑާއި އަތުގައިހުރި ތަކެތި ބަލައި ފާސްކުރިއިރު އޭނާގެ އަތުގައި އޮތް ޗާޖަރެއްގެ ތެރެއިން މަސްތުވާ ތަކެއްޗަށް ޝައްކު ކުރެވޭ އެއްޗެހި ހުރި 2 ރަބަރު ޕެކެޓް ފެނިފައިވާ ކަމަށް ފުލުހުން ބުނެއެވެ.
މި މައްސަލަ އއ.ރަސްދޫ ޕޮލިސް ސްޓޭޝަނުން ދަނީ އިތުރަށް ތަހުގީގު ކުރަމުންނެވެ.
