Tuesday, 17 November 2026
Advertisement
MWSC — SmartMeter (leaderboard)
ޚަބަރު

ސައިކަލު ދުއްވި މީހާގެ އެކްސިޑެންޓް މި ވީ ލައިސަންސް ހިފެހެއްޓިތާ ހަފުތާއެއް ނުވަނީސް

ސައިކަލު ދުއްވި މީހާގެ އެކްސިޑެންޓް މި ވީ ލައިސަންސް ހިފެހެއްޓިތާ ހަފުތާއެއް ނުވަނީސް
ހުޅުމާލޭގައި ރޭ ފުލުހުންގެ ކާރަކާއި ސައިކަލެއް ޖެހި ހިނގި އެކްސިޑެންޓުގައި ސައިކަލު ދުއްވި މީހާ އަކީ އެއްގަމު ދަތުރުފަތުރު ކުރުމުގެ ގާނޫނާ ހިލާފުވެގެން ލައިސަންސް ހިފަހައްޓާފައިވާ މީހެއް ކަމަށް ފުލުހުން މިއަދު ބުނެފި އެވެ. ފުލުހުން ނެރުނު ނޫސް ބަޔާނެއްގައި ބުނީ ރޭ ދަންވަރު 1:50 އެހާކަންހާއިރު، ހުޅުމާލެ ދެ ވަނަ ފިޔަވަހީގައި، ގުލްއަލާމަގުން އިރުން ހުޅަނގަށް ނިރޮޅު މަގު ހުރަސްކުރަމުންދިޔަ ފުލުހުންގެ އުޅަނދެއްގައި، ނިރޮޅު މަގުން އުތުރުން ދެކުނަށް ބާރު ދުވެލީގައި ދުއްވާފައި އައި ސައިކަލެއް ޖެހި އެކްސިޑެންޓެއް ހިނގާފައިވާ ކަމަށެވެ.
"މި އެކްސިޑެންޓްގައި ހިމެނޭ ސައިކަލު ދުއްވާފައިވަނީ އެއްގަމު ދަތުރުފަތުރު ކުރުމުގެ ގާނޫނާ ހިލާފުވެގެން އެ ގާނޫނުގެ ދަށުން 2024 ޑިސެންބަރު 21 ވަނަ ދުވަހު ލައިސަންސް ހިފަހައްޓާފައިވާ މީހެކެވެ،"
އެ އެކްސިޑެންޓުގައި ހިމެނޭ ސައިކަލު ދުއްވި މީހާއަށް ބޮޑެތި އަނިޔާތަކެއްވެފައިވެ އެވެ. އެކްސިޑެންޓުގައި އަނިޔާވެފައި ވަނީ އުމުރުން 18 އަހަރުގެ ފިރެހެން ކުއްޖަކަށެވެ. އަނިޔާވި މީހާއަށް ހުޅުމާލެ ހޮސްޕިޓަލުގައި ފަރުވާ ދިނުމަށްފަހު، ހާލަތު ސީރިއަސްވުމާ ގުޅިގެން މިހާރު ފަރުވާ ދެމުންދަނީ އައިޖީއެމްއެޗްގައި ކަމަށް ފުލުހުން ބުންޏެވެ. މިވަގުތު އޭނާއަށް ވެންޓިލޭޓަރުގެ އެހީގައި ފަރުވާދެމުންދާ ކަމަށް އެ ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް ބަޔާނުގައިވެ އެވެ. ފުލުހުން ބުނި ގޮތުގައި ނުރައްކާތެރި އެކްސިޑެންޓްތައް ހިނގުމަކީ އެ ހިދުމަތުން ކަންބޮޑުވާ އަދި ހިތާމަކުރާ ކަމެއް ކަމުގަ އެވެ. އެފަދަ އެކްސިޑެންޓްތައް ހުއްޓުވުމަށާއި މަގުމަތީގެ ރައްކާތެރިކަން ކަށަވަރު ކުރުމަށް، ގިނަ ވަސީލަތްތަކެއް ބޭނުންކޮށްގެން ގިނަގުނަ މަސައްކަތްތަކެއް ކުރަމުން އަންނަކަން ވެސް ފާހަގަކޮށްފައިވެ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.